«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka
Jak stała viadoma «Našaj Nivie», były šmathadovy kiraŭnik Nacbanka Pavieł Kałaŭr atrymaŭ pasadu, pra jakuju maryli b mnohija byłyja ministry.
Pavieł Kałaŭr dziesiać hadoŭ — z kanca 2014 hoda pa viasnu 2025‑ha — uznačalvaŭ Nacbank Biełarusi. Pad jaho kiraŭnictvam byŭ stabilizavany rubiel. Ale, jak raniej paviedamlała «Naša Niva», Kałaŭr spatyknuŭsia na tym, što zapluščvaŭ vočy na svajho rodu finansavy arbitraž, jakim zachapilisia biełaruskija banki (u tym liku tyja, u jakich mieniedžarami pracujuć dzieci Kałaŭra) na fonie dysparytetu rublovych stavak z Rasijaj. Heta dazvalała bankam kruta zarablać u momancie, ale padymała canu na hrošy ŭ cełym pa ekanomicy.
Čytajcie padrabiazna: Stała viadoma, na čym pahareŭ hienij finansaŭ Pavieł Kałaŭr
Z momantu adstaŭki ŭ sakaviku 2025 nie było viadoma, čym ciapier zajmajecca zasłužany biełaruski finansist.
U vieraśni 2025 hoda Łukašenka raptam uspomniŭ pra Kałaŭra publična, zajaviŭšy, što «jaho nie pakryŭdzili». «Kudy jon vyznačycca, tudy niachaj idzie i pracuje. Ale jon chacieŭ by pracavać u bankaŭskim siektary. Kali łaska. Ja nie suprać. Ja chaču, kab heta razumieli. Tamu nichto Paŭła Kałaŭra, jak u narodzie kažuć, z pracy nie zdymaŭ», — skazaŭ Łukašenka na naradzie z aparatam Nacbanka i kiraŭnictvam bankaŭ.
Jak stała viadoma «Našaj Nivie», u vyniku Pavieł Kałaŭr akazaŭsia finansavym daradcam (inšaja traktoŭka — finansavym dyrektaram) u Mikałaja Varabja — jak ličycca, samaha bahataha i ŭpłyvovaha biełaruskaha kamiersanta epochi poźniaha Łukašenki.
Ź imieniem Vierabja źviazvajecca dyskantavanaja kupla Pryjorbanka praz naminalnuju kampaniju ŭ Abjadnanych Arabskich Emiratach.
My padrabiazna apisvali hetuju historyju, u vyniku jakoj «biznesmien udačy», mierkavana, staŭ ułaśnikam aktyvu ŭ čatyry razy daražejšaha, čym za jaho było spłačana.
Čytajcie padrabiazna: Kupić miljard za €230 miljonaŭ. Prodaž Pryjorbanka azałaciŭ biznesmienaŭ udačy pry Łukašenku
Zasnavalnik i šmathadovy kiraŭnik Pryjorbanka Siarhiej Kaściučenka paśla adsiedki emihravaŭ.
Proźvišča ž inšaha top-mieniedžara, Vadzima Maciuškina, jaki z 2005 hoda byŭ namieśnikam staršyni praŭleńnia Pryjorbanka, a apošnija hady i staršynioj, źnikła sa staronki, na jakoj pieraličana kiraŭnictva banka.
Ciapier ža staršynia praŭleńnia Pryjorbanka — niechta «Aldasary Machamied Abduła Machamied Ali», u raździele ścisłaj bijahrafii jakoha niama nijakich danych pra vopyt raboty na adpaviednych pasadach.
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ67
Kamientary
Mnie zaŭždy było viesieła, jak z kožnaha Rumasa robiać amal miesijanskuju chfihuru... Lisan al-Haib, pakataŭsia na trendzie.