Alaksandr Łukašenka na naradzie z aparatam Nacbanka i kiraŭnictvam bankaŭ vykazaŭsia pra Paŭła Kałaŭra, jaki na praciahu bolš za 10 hadoŭ uznačalvaŭ Nacbank da prychodu na hetuju pasadu Ramana Hałoŭčanki, piša BiełTA.
«Ja pavinien addać naležnaje i byłomu kiraŭniku Nacyjanalnaha banka — Paŭłu Kałaŭru, — skazaŭ Łukašenka. — Kłasny śpiecyjalist, vielmi mocny śpiecyjalist».
Alaksandr Łukašenka adznačyŭ, što bankaŭskaja śfiera zaŭsiody ŭ peŭnym sensie była «paŭapazicyjnaja», dzie ludzi majuć svoj punkt hledžańnia na tyja ci inšyja pracesy.
I ŭ svoj čas jon pryniaŭ rašeńnie pryznačyć Paŭła Kałaŭra kiraŭnikom Nacbanka. «I vy viedajecie, jon pracavaŭ jak prafiesijanał. Majučy niedzie svaju pazicyju, svoj punkt hledžańnia. Zališnie pieražyvajučy časam za niejkija pytańni. Ale pracavaŭ jon razam sa svaimi ludźmi, i z vami ŭ tym liku, niadrenna. Ja nie chaču pradjaŭlać jamu niejkija strašnyja pretenzii», — padzialiŭsia jon.
Adnačasova, dadaŭ jon, pryjšoŭ čas, kali ŭ kiraŭnictva Nacbanka pavinny byli pryjści novyja ludzi. Heta tyčycca i inšych kirunkaŭ. «Usie my z vami nie viečnyja. U zaležnaści ad žyćcia, ad abstavinaŭ, rana ci pozna pryjduć novyja ludzi, — zaŭvažyŭ Łukašenka. — Tamu Paŭła Kałaŭra, ja tak razumieju, my nie pakryŭdzili. Mnie šmat pra jaho raspaviadajuć, prosiać to tudy, to siudy.
Ja kažu: «Kudy jon vyznačycca, tudy niachaj idzie i pracuje». Ale jon chacieŭ by pracavać u bankaŭskim siektary. Kali łaska. Ja nie suprać. Ja chaču, kab heta razumieli. Tamu nichto Paŭła Kałaura, jak u narodzie kažuć, z pracy nie zdymaŭ».
Źviartajučysia ŭžo da ciapierašniaha kiraŭnictva Nacbanka, Alaksandr Łukašenka skazaŭ: «Adzinaje, rablu vam zaŭvahu — vy pavinny być bolš uciahnutyja ŭ ekanomiku. A asabliva voś hetaja debitorskaja zapazyčanaść. Hrošy napierad — zaŭtra tavar. U nas heta nie zaŭsiody atrymlivajecca. I vyvad hrošaj za miežy krainy. Nu heta ž, napeŭna, i prablema Nacyjanalnaha banka, kali hrošy sychodziać za miežy krainy. Ja prašu vas, vy heta nie vypuskajcie. Nam hrošy ŭ krainie patrebnyja».
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja43
Kamientary
PolšiČili i JUAR.Što ž tyčycca stvareńnia FPH, to tut za nastupstvam daloka chadzić nia treba. Bolšaść faktyčna bankructvaŭ bujnych pryvatnych bankaŭ u Rasiei pad čas staršynstva Nabiulinaj byli źviazanyja mienavita z kredytavańniem bujnymi akcyjanierami tych bankaŭ ułasnych biznesaŭ na ilhotnych umovach.