Łukašenka zahadaŭ viarnucca da pachavanaj 13 hadoŭ tamu idei stvareńnia finansava-pramysłovych hrup
Alaksandr Łukašenka na naradzie z aparatam Nacyjanalnaha banka i kiraŭnictvam bankaŭ daručyŭ prapracavać pytańnie ab stvareńni finansava-pramysłovych hrup, piša BiełTA.
«U metach pryciahnieńnia ŭ ekanomiku dadatkovych resursaŭ dla realizacyi inviestycyjnych prahram Nacyjanalnamu banku z udziełam bankaŭ i dziaržorhanaŭ metazhodna prapracavać pytańnie ab mahčymaj ekanamičnaj intehracyi finansavaha i pramysłovaha kapitałaŭ šlacham stvareńnia finansava-pramysłovych hrup», — skazaŭ Alaksandr Łukašenka.
Łukašenka nahadaŭ, što ŭ Biełarusi «nieadnarazova padstupalisia» da takich hrup. U 1995 hodzie byŭ pryniaty ŭkaz, a ŭ 1999 hodzie — śpiecyjalny zakon, jaki ŭ 2012 hodzie syšoŭ na ništo.
«Stvareńnie FPH budzie spryjać farmavańniu novaj sistemy inviestavańnia, bolš efiektyŭnamu zadziejničańniu finansavych aktyvaŭ bankaŭ jak patencyjnych inviestaraŭ», — ličyć Alaksandr Łukašenka. Da finansavańnia inviestycyj, padkreśliŭ jon, pavinny bolš aktyŭna padklučacca nie tolki banki, ale i niabankaŭskija kredytna-finansavyja arhanizacyi, jakim varta ŭkaraniać novyja finansavyja instrumienty padtrymki. Hałoŭny kryter pry hetym — rost ich doli ŭ VUP.
«Darečy, u nas byŭ ekśpierymient, kali AAT «AAB Biełarusbank» atrymała akcyi AAT «Biełšyna». Nu, i vynik? Z ulikam taho, što ekspart šyn upaŭ na 20%, vopyt nie vielmi ŭdały. Moža być, nie. Siońnia paviedamicie», — dadaŭ Alaksandr Łukašenka.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Dmitrija Łukašienko k tomu žie v voskriesieńje pokazali po tielevidieniju na svobodie.