Prezident Rasii Uładzimir Pucin padoŭžyŭ termin słužby načalniku Hienieralnaha štaba Uzbrojenych sił Rasii Valeryju Hierasimavu jašče na piać hadoŭ. Pra heta paviedamlaje RBK sa spasyłkaj na krynicy, u tym liku nabližanyja da Ministerstva abarony.
Valeryju Hierasimavu 8 vieraśnia spoŭniłasia 70 hadoŭ — heta hraničny ŭzrost dla vajskoŭcaŭ u zvańni vyšejšych aficeraŭ. Ale zhodna z zakonam, pryniatym u 2021 hodzie, dla hienierałaŭ i maršałaŭ moža zaklučacca novy kantrakt, kali takoje rašeńnie prymie prezident.
Ekśpierty adznačajuć, što padaŭžeńnie terminu słužby śviedčyć pra toje, što kiraŭnictva Rasii zadavolena dziejnaściu Hierasimava, jaki ŭžo bolš za try hady kiruje bajavymi dziejańniami va Ukrainie.
Raniej žurnalisty źviartali ŭvahu na jaho adsutnaść na hałoŭnym etapie vučeńniaŭ «Zachad-2025» u Nižaharodskaj vobłaści, dzie prysutničaŭ Pucin razam ź inšymi vajskovymi kiraŭnikami. U Kramli patłumačyli, što Hierasimaŭ nie zmoh pryjechać, bo byŭ, maŭlaŭ, zaniaty ahulnaj kaardynacyjaj vajennych apieracyj.
Kamientary