Naviednikam, što napaili alenia koka-kołaj u Minskim zaaparku, dali pa 10 sutak
Sprava ab administracyjnym pravaparušeńni ŭ sudzie razhladałasia siońnia, na nastupny dzień paśla zatrymańnia mužčyn.
Nahadajem, što dniami razyšłosia videa, na jakim dvoje mužčyn pojać koka-kołaj alenia ŭ Minskim zaaparku, pryčym adzin ź ich torhaŭ žyviołu za rohi.
Vyśvietliłasia, što heta byli dvoje siabroŭ z Viciebskaj vobłaści, adzin 1975-ha, druhi — 1973 hoda naradžeńnia, što pryjechali ŭ stalicu ŭ minuły čaćvier
Uviečary ŭ toj ža dzień nakiravalisia ŭ Minski zaapark. Zajšli ŭ delfinaryj, a paśla pradstaŭleńnia, padyšoŭšy da valjera, dzie ŭtrymlivaŭsia vysakarodny aleń, dzie ŭsio i adbyłosia.
Bolš za toje, žychary Viciebskaj vobłaści pa čarzie sami zdymali toje, što adbyvajecca, na mabilny telefon, a videa ŭ nastupnym raźmiaścili ŭ tyktoku.
Vypadkam zacikaviłasia milicyja, mužčyn zatrymali.
Paviedamlajecca, što jany pryznali vinu ŭ poŭnym abjomie, nie admaŭlajučy taho, što adbyłosia. Pryčynaj svaich pavodzin nazvali toje, što im było viesieła.
Jak patłumačyŭ namieśnik staršyni suda Zavodskaha rajona Minska Dźmitryj Łukaševič, pravaparušeńnie ździejśniena ŭ hramadskim miescy, u prysutnaści inšych hramadzian. Žychary Viciebskaj vobłaści razumieli, što svaimi dziejańniami parušajuć hramadski paradak, praviły naviedvańnia zaaparka, i heta vyklikaje abureńnie inšych naviedvalnikaŭ zaaparka.
Mužčynam dali pa 10 sutak aryštu (art, 19‑1 — drobnaje chulihanstva)
Taksama na sudovym pasiadžeńni jany skazali, što paśla adbyćcia administracyjnaha spahnańnia hatovy prynieści prabačeńni zaaparku i zahładzić pryčynienuju škodu, u tym liku prynieści «dalikatesy» dla paciarpiełaj žyvioły, piša BiełTA.
Kamientary