Ekanamičny sud Minska raspačaŭ praceduru bankructva ŭ dačynieńni bujnoj kampanii-pieravozčyka «AAA Salušens», jakaja nie zdoleła pahasić daŭhi i zaviaršyć likvidacyju, raspačatuju jašče paŭtara hoda tamu, piša Office Life.
Prablemy ŭ kampanii pačalisia jašče ŭ 2022 hodzie: spačatku płatforma Finstore.by abviaściła pra spynieńnie prodažu jaje tokienaŭ praź nievykanańnie abaviazacielstvaŭ, a paźniej Minfin paviedamiŭ pra defołt pa ablihacyjach — druhi vypusk tak i nie byŭ pahašany. U 2024 hodzie «AAA Salušens» užo značyłasia siarod daŭžnikoŭ, jakija nie raźličylisia pierad inviestarami.
U krasaviku 2024‑ha ŭłaśnik kampanii, «Benks AS», pryniaŭ rašeńnie likvidavać biznes. Adnak adzin z kredytoraŭ — lizinhavaja kampanija «Jeŭratajm» — padaŭ zajavu ab bankructvie, bo pieravozčyk nie viarnuŭ joj bolš za 55 tysiač rubloŭ.
Pradstaŭnik «AAA Salušens» sprabavaŭ asprečyć bankructva, zajaŭlajučy, što kampanija pavinna kredytoram 3,1 miljona rubloŭ, ale joj samoj nibyta pavinny bolš za 37 miljonaŭ. Adnak u sudzie vyśvietliłasia, što hetaja «debitorka» faktyčna nie maje kaštoŭnaści: 12 sprobaŭ jaje pradać ciaham 2024—2025 hadoŭ ni da čaho nie pryviali. Ciapier jaje znoŭ vystaŭlajuć na prodaž 28 listapada — z hihanckim dyskontam 99,97%, usiaho za krychu bolš čym 11 tysiač rubloŭ.
U vyniku sud pryznaŭ, što realnych aktyvaŭ u kampanii niama, i adkryŭ spravu ab bankructvie. Kančatkovaje rašeńnie płanujuć pryniać 12 lutaha nastupnaha hoda.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo9
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary