«Vilski kazaŭ mnie: «Toje, što ty «pievień», nanosić partyi straty» — eks-palitviazień Sparyš
Pavodle słovaŭ paplečnika Statkieviča, ciapierašni kiraŭnik «Narodnaj Hramady» apuściŭsia nastolki, što vykarystoŭvaje milicejska-kryminalnyja paniaćci.
Administracyi biełaruskich kałonij arhanizoŭvajuć pravakacyi i prymušajuć niekatorych palitviaźniaŭ pierachodzić u «nizki status», jaki zvyčajna majuć u źniavoleńni ludzi, asudžanyja za sieksualnyja złačynstvy. Heta robicca, kab zrabić žyćcio palitviaźniaŭ nievynosnym.
Siarhiej Sparyš, vyzvaleny i departavany 11 vieraśnia 2025 hoda paplečnik Mikoły Statkieviča, kaža, što jaho šantažavali — ci pahadžacca na pierachod u «nizki status», ci atrymać dadatkovy termin. Jon abraŭ pieršy varyjant.
Paśla vyzvaleńnia Sparyš viarnuŭsia ŭ kiraŭnictva «Narodnaj Hramady», adnak ciapier u partyi adbyvajucca razborki ŭ zmahańni za ŭładu.
Čytajcie: U «Narodnaj Hramadzie» razborki — u Sparyša zabrali pasadu hienieralnaha sakratara, jon nie zhodny
Pavodle słovaŭ Sparyša, kiraŭnik partyi Jaŭhien Vilski vykarystoŭvaje historyju pra «nizki status» u palityčnaj baraćbie. Sparyš raskazaŭ padrabiaznaści BGMedia:
«Vilski vykarystoŭvaŭ roznyja mietady, u tym liku šantažujučy mianie tak zvanaj «pieŭnievaj» temaj. Heta vykarystoŭvałasia sacyjał-demakratyčnaj partyjaj dla cisku i šantažu. Možacie sabie ŭjavić? Naprykład, namieśnik Statkieviča Valancin Trocki, jaki ciapier vajuje, vystupiŭ u maju abaronu na Radzie — dyk Vilski adrazu napisaŭ jamu:
«Jak ty možaš padtrymlivać Sparyša, jon ža «apuščany».
«Mnie Vilski kazaŭ nieadnarazova: «Ni ŭ jakim vypadku ničoha nie kažy pra Statkieviča, bo ŭ jaho praz heta ŭźniknuć prablemy.
Toje, što ty «pievień», nanosić partyi škodu».
Mnie padajecca, što paśla takoha jeŭrapiejskija sacyjał-demakraty nie pavinny padavać jamu ruki. Tut ža tak abaraniajuć ŁHBT! A potym adbyvajecca takoje…»
Vilski nie staŭ kamientavać situacyju BGMedia, paabiacaŭ apublikavać aficyjny adkaz na partyjnych kanałach.
***
Siarhiej Sparyš pa prafiesii muzykant, pracavaŭ zvarščykam. Dałučyŭsia da Statkieviča ŭ 2017-m. Pierad tym jon karotki pieryjad uvachodziŭ u prałukašenkaŭskuju Kamunistyčnuju partyju.
Jaŭhien Vilski — były połacki afhaniec, vychadziec z «Havary praŭdu». Byŭ u «Narodnaj Hramadzie» na druhasnych rolach, ale ŭ emihracyi ŭznačaliŭ arhanizacyju paśla aryštu ŭsiaho kiraŭnictva. Užo niekalki hadoŭ Vilski sprabuje sfarmiravać ruch z apanientaŭ Śviatłany Cichanoŭskaj.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary