U papularnym amierykanskim sieryjale pakazali biełaruskuju turmu — źniałasia ŭładalnica «Oskara»
U topavym amierykanskim sieryjale «Ranišniaje šou» pakazali biełaruskuju turmu, jak jaje ŭjaŭlajuć na Zachadzie. Była tam i niespraviadliva zatrymanaja hierainia — jaje syhrała ŭładalnica «Oskara» Ryz Uizierspun.
Havorka pra sieryjał «Ranišniaje šou» (The Morning Show), jaki vychodzić z 2019 hoda. Siužet krucicca vakoł adnajmiennaj navinavaj prahramy i jaje viadoŭcy Aleks Levi — jaje hraje jašče adna topavaja zorka, Dženifier Enistan.
Adnak u Levi źjaŭlajecca kankurentka. Heta Bredli Džeksan, reparciorka, jakaja vypadkova trapiła ŭ śviet telenavinaŭ, i jakraz jaje hraje Ryz Uizierspun.
U čaćviortym siezonie sieryjała, jaki vychodziŭ ź vieraśnia pa listapad 2025-ha, Bredli rasśleduje historyju z chimičnym zavodam, jaki źviazany z ekałahičnaj katastrofaj. Kab atrymać dadatkovuju infarmacyju, žančyna lacić u Biełaruś — tam jaje čakaje sustreča z čarhovaj krynicaj.
Ale ž na sustreču jana tak i nie trapiła. Žančynu aryštavali ŭžo ŭ minskim aeraporcie i kinuli za kraty, abvinavaciŭšy ŭ špijanažy. Bredli paśpiavaje tolki zapisać videa ź infarmacyjaj, što ŭ jaje prablemy.
Tady Aleks, hałoŭnaja hierainia sieryjała, idzie na sustreču z ruskim aliharcham i sprabuje praź jaho vyciahnuć kalehu. Ale ŭ jaje nie atrymlivajecca: siarod žurnalistaŭ, jakija viedajuć pra hetuju historyju, jość čałaviek, jaki nie moža dapuścić rasśledavańnia suprać chimičnaha zavoda.
U vyniku amierykanku ŭsio ž vyzvalajuć ź biełaruskaj turmy — dla hetaha Aleks daviałosia prynieści svaje achviary. Ale Bredli pravodzić miesiac u žudasnych umovach.
U jaje brudnaja kamiera, joj nie dajuć spać — usio praź jarkaje śviatło i hučny chevi-metał z dynamikaŭ. Pieryjadyčna turemščyki spyniajuć katavańni, tady amierykanku sprabujuć dapytać pra toje, z kim jana źbirałasia sustrecca ŭ Biełarusi. Ale dla jaje bolš značyć žurnalisckaja etyka: na papiery, dzie jaje prosiać napisać imia krynicy, Bredli piša pa-anhlijsku «Idzicie n***j». Za heta jaje pazbaŭlajuć kojki.
U 2026‑m pačnuć zdymać piaty siezon prajekta — mahčyma, tady my daviedajemsia niešta novaje pra čas, jaki Bredli praviała ŭ biełaruskaj turmie.
«Naša Niva» — bastyjon biełaruščyny
PADTRYMAĆCiapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec13
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary