Novyja niamieckija drony-akuły buduć baranić Bałtyjskaje mora ad dyviersij
Dziakujučy vadarodnamu pryvadu dron zdolny tydniami pracavać biez dazapraŭki.
Padvodny dron Greyshark, stvorany ŭ Hiermanii i nabity vysokimi technałohijami, pavinien patrulavać Bałtyjskaje mora dla abarony krytyčnaj infrastruktury, vyjaŭleńnia varožych raźviedvalnych adzinak i manitorynhu akvatoryi, piša Bild.
Hetaja bieśpiłotnaja mini-submaryna bremienskaha vytvorcy Euroatlas tolki što prajšła chodavyja vyprabavańni.
Dziakujučy vadarodnamu pryvadu dron zdolny tydniami pracavać biez dazapraŭki. U madeli jość niekalki varyjantaŭ.
U varyjancie Foxtrot mahčymyja navat praciahłaść płavańnia da 4 miesiacaŭ i da 10 000 marskich mil. Aparat vykarystoŭvaje 17 vysokatechnałahičnych datčykaŭ. Prahramnaje zabieśpiačeńnie na asnovie štučnaha intelektu apracoŭvaje danyja ŭ realnym časie i raspaznaje mahčymyja varožyja abjekty.
U nastupnym hodzie moža pačacca sieryjnaja vytvorčaść Greyshark, zajaviŭ mieniedžar Euroatlas Markus Biejer. Pavodle jaho słoŭ, užo jość zacikaŭlenyja pakupniki.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary