Sud Maskoŭskaha rajona Minska razhledzieŭ spravu, jakaja skončyłasia dla byłoha spartsmiena nacyjanalnaj zbornaj pa ciažkaj atletycy adčuvalnymi finansavymi stratami.
Havorka idzie pra byłoha člena zbornaj i spartsmiena-instruktara Respublikanskaha centra alimpijskaj padrychtoŭki «Stajki» Jahora Hryńko. Paśla čatyrochhadovaj dyskvalifikacyi za dopinh jaho zvolnili, a prakuratura źviarnułasia ŭ sud z patrabavańniem viarnuć hrošy, vydatkavanyja dziaržavaj na jaho padrychtoŭku.
Padstavaj dla pazova staŭ punkt pracoŭnaj damovy, jaki praduhledžvaje viartańnie biudžetnych srodkaŭ u vypadku antydopinhavych parušeńniaŭ. Pavodle raźlikaŭ, pradstaŭlenych u sudzie, na padrychtoŭku spartsmiena było patračana bolš za 120 tysiač rubloŭ.
Častku hetaj sumy — kala 50 tysiač rubloŭ — ciažkaatlet viarnuŭ dobraachvotna jašče na stadyi dasudovaj pravierki. Astatnija 70 tysiač byli vypłačany ŭžo paśla zvarotu prakuratury ŭ sud, ale da vyniasieńnia rašeńnia. U vyniku sud zafiksavaŭ, što asnoŭnaje patrabavańnie faktyčna vykanana.
Dadatkova spartsmienu daviałosia apłacić dziaržaŭnuju pošlinu 3,5 tysiačy rubloŭ.
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary