Heta hramadzianin Ukrainy, jakomu prysudzili 6 hadoŭ kałonii za toje, što jon nibyta źbiraŭ źviestki pra vajskovuju techniku na terytoryi Biełarusi jašče z 2018 hoda. Jon vyjšaŭ na svabodu ŭ vyniku siońniašniaha pamiłavańnia Łukašenkam i nastupnaha vyzvaleńnia ź biełaruskich turmaŭ 31 hramadzianina Ukrainy.
Zhodna z infarmacyjaj pravaabaroncaŭ, Michaił Stalarčuk byŭ asudžany pavodle art. 358‑1 Kryminalnaha kodeksa (ahienturnaja dziejnaść). Jon hramadzianin Ukrainy. Razam ź im pavodle hetaj spravy byŭ taksama asudžany inšy ŭkrainiec — Dźmitryj Hudzik.
Pavodle viersii abvinavačańnia, mužčyny źbirali danyja pra vajskovuju techniku i abjekty ŭ Biełarusi na zadańnie Słužby biaśpieki Ukrainy. 24 listapada 2022 hoda ŭ Bresckim abłasnym sudzie im vynieśli prysud. Sudździa Andrej Leščanka pryznačyŭ Michaiłu šeść hadoŭ kałonii, a Dźmitryju — piać.
Było niekalki zakrytych pasiadžeńniaŭ. Pra vynik suda i sutnaść abvinavačańnia stała viadoma z prapahandysckaha filma ATN «Kontrraźviedka. Apieracyi biełaruskaha KDB suprać śpiecsłužbaŭ Zachadu i Ukrainy», dzie zhadvalisia taksama palitviaźni Dzianis Ivašyn, Juraś Ziankovič, fihuranty spravy «Atradaŭ hramadzianskaj samaabarony» i inšyja.
Zhodna ź siužetam, ukraincaŭ zatrymali na punkcie propuska Bresckaj vobłaści «Makrany» — jany jechali na aŭtobusie Lvoŭ — Brest. Data zatrymańnia nie nazyvałasia, ale, mierkavana, heta zdaryłasia ŭ pačatku 2022 hoda — va ŭkrainskich krynicach fihuruje data 22 lutaha. Zhodna ź viersijaj abvinavačańnia, na zadańnie Słužby biaśpieki Ukrainy jany źbirali danyja pra vajskovuju techniku i abjekty z 2018 hoda. Ź imi byŭ zatrymany taksama Ihar Dzirko, ale zamiest sudovaha pieraśledu jaho vysłali ź Biełarusi.
Michaił Stalarčuk adbyvaŭ pakarańnie ŭ kałonii № 3 «Vićba» pad Viciebskam.
U HUR padziakavali amierykancam za vyzvaleńnie źniavolenych ukraincaŭ i adznačyli «kanstruktyŭnuju pazicyju kiraŭnictva Biełarusi»
«Mama, ja doma!» — «Jak doma?!» Adna z vyzvalenych ukrainak — dziaŭčyna Julija VIDEA
Vyzvalenych ź niavoli ŭkraincaŭ sustrakaŭ asabista Kiryła Budanaŭ VIDEA
Vyzvalenaja 18‑hadovaja palitźniavolenaja Maryja Misiuk
Biełaruś vyzvaliła 31 ukrainca
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary