Dvuch ukraincaŭ asudzili ŭ Breście za «ahienturnuju dziejnaść»
24 listapada ŭ Bresckim abłasnym sudzie vynieśli prysud pa spravie za «ahienturnuju dziejnaść» u Biełarusi na karyść Ukrainy. Sudzili ŭkraincaŭ Michaiła Stalarčuka i Dźmitryja Hudzika za toje, što, pavodle viersii abvinavačvańnia, źbirali danyja pra vajskovuju techniku i abjekty ŭ Biełarusi pa zadańni Słužby biaśpieki Ukrainy. Sudździa Andrej Leščanka pryznačyŭ Michaiłu šeść hadoŭ kałonii, a Dźmitryju — piać, paviedamlaje «Viasna».
Hramadzian Ukrainy Michaiła Stalarčuka i Dźmitryja Hudzika asudzili pavodle art. 358-1 Kryminalnaha kodeksa (ahienturnaja dziejnaść). Było niekalki zakrytych pasiadžeńniaŭ.
Pra vynik suda i sutnaść abvinavačvańnia stała viadoma z prapahandysckaha filma ATN «Kontrraźviedka. Opieracii biełorusskoho KHB protiv śpiecsłužb Zapada i Ukrainy», dzie ŭzhadvajucca taksama palitviaźni Dzianis Ivašyn, Juryj Ziankovič, fihuranty spravy AHSB i inšyja.
Zhodna ź siužetam, ukraincaŭ zatrymali na punkcie propusku Bresckaj vobłaści «Makrany» — jany jechali na aŭtobusie Lvoŭ — Brest. Data zatrymańnia nie nazyvajecca, ale, mierkavana, heta zdaryłasia napačatku hetaha hoda. Zhodna ź viersijaj abvinavačvańnia, pa zadańni Słužby biaśpieki Ukrainy jany źbirali danyja pra vajskovuju techniku i abjekty z 2018 hoda. Ź imi byŭ zatrymany taksama Ihar Dzirko, ale zamiest sudovaha pieraśledu jaho vysłali ź Biełarusi.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary