Łukašenka zahadaŭ čynoŭnikam pierad prychodam da jaho zdavać mabilniki
U Pałacy Niezaležnaści čynoŭniki i navat zamiežnyja hości ciapier zdajuć nie tolki smartfony, ale i smart-hadzińniki.
Na ANT pakazali kadry z Pałaca Niezaležnaści, dzie čynoŭniki pierad mierapryjemstvami z udziełam Alaksandra Łukašenki ciapier abaviazany zdavać nie tolki smartfony, ale i smart-hadzińniki.
«Na ŭvachodzie ŭ hetyja zały smartfony, a ź niadaŭnich časoŭ jašče i smart-hadzińniki, zdajuć usie — i hości ź inšych krain, i navat vyšejšyja słužbovyja asoby», — raskazali ŭ efiry.
Čynoŭniki zdajuć svaje hadžety ŭ śpiecyjalnyja čornyja čamadany. Na kadrach pakazali, jak svaju pryładu tam pakidaje kiraŭnik Administracyi Dźmitryj Kruty.
Niadaŭna Łukašenka papiaredziŭ čynoŭnikaŭ nakont vykarystańnia mabilnych telefonaŭ i zabaraniŭ ich «brać z saboju»: «Nijakaha sakretu, kali ŭ vas telefon — čym vy zajmajeciesia, kudy vy chodzicie… Nijakaha sakretu».
Jon tady zaklikaŭ zachavać pravadnuju telefonnuju sietku.
Łukašenka zajaviŭ taksama, što ŭ jaho asabista niama mabilnaha telefona, i jon «niejak žyvie bieź jaho». Ale ŭ 2024 jon pakazaŭ svoj mabilny telefon zakrytaj suviazi biełaruskim studentam. Hety mabilnik, raskazaŭ jon, nie znachodzicca niepasredna pry im, a ŭ adjutanta. U farmacie zakrytaj suviazi z Łukašenkam mohuć mieć znosiny pa hetym mabilniku kala 70 čałaviek, jakija majuć jaho asabistuju sankcyju.
-
U Minsku pradajucca jahady pa 150 rubloŭ za kiłahram
-
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
-
Staŭ viadomy prysud padpałkoŭniku Čaramnych, jakoha abvinavačvali ŭ zdradzie dziaržavie i ŭ «raspalvańni varožaści» pry hetym
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary