«Płaču padatki, a što ŭzamien?» Biełaruska raskazała, jak niavyhadna być samazaniataj
Majstar pa manikiury zajaviła ŭ TikTok, što być samazaniataj u Biełarusi niavyhadna, bo apłata padatkaŭ nie daje anijakich sacyjalnych harantyj. Jaje słovy vyklikali dyskusiju, piša BGmedia.
«Płaču padatki, a što atrymlivaju ŭzamien?»
Žančyna raskazała, što jak samazaniataja spłačvaje kala 10% padatkaŭ — amal 400 rubloŭ u miesiac. Ale, pa jaje słovach, heta nie daje joj ni sacyjalnych harantyj, ni padtrymki: «U mianie zachvareła dzicia, i ja nie mahu pajści na balničny — mnie jaho nichto nie apłacić. Toje samaje z adpačynkam. Ja mahu ŭziać jaho raz u try miesiacy, ale apłačvać mnie jaho nichto nie budzie».
Jana taksama adznačyła, što nie ŭpeŭnienaja, ci atrymaje piensiju: «Piensijny ŭzrost pavyšajecca, i ja jaho, chutčej za ŭsio, nie dačakajusia».
Pry hetym, padkreśliła majstar, dziaržava nie dapamahała joj startavać: «Kali ja pačynała svoj maleńki biźnies, dziaržava nie dapamahała zakuplać abstalavańnie i materyjały. Dyk moža chto patłumačyć — kamu i za što ja pavinna płacić?»
Što skazali ludzi ŭ kamientarach
Pad videa razharnułasia aktyŭnaja dyskusija, i mierkavańni padzialilisia.
Asnoŭnaja dumka tych, chto padtrymlivaje žančynu, u kamientarach była takoj:
prablema dla samazaniatych nie ŭ samich padatkach, a ŭ tym, što ŭ adkaz jany nie atrymlivajuć ničoha — ni harantyjaŭ, ni abarony, ni ŭpeŭnienaści ŭ budučyni.
- «A jašče padatak na ramont doma, jakoha nichto nie robić, padatki na mašynu, kvateru. Pakul my maŭčym — budziem ich karmić. Jany sabie naličvajuć vielizarnyja zarpłaty i jašče kraduć».
- «Hetym pytańniem zadajucca 97% biełarusaŭ! Dziaržava nikomu nie dapamahaje! Moža, sapraŭdy nadyšoŭ čas źmianić kiraŭnictva całkam?»
- «Za navučańnie płaciš sam, za materyjały płaciš sam, abstalavańnie kuplaješ za svaje — ale častku zaroblenyja hrošy ŭsio roŭna addavaj. Vielmi «sumlenna».
- «Ja ŭžo pryniała, što na piensiju raźličvać niama sensu. Tamu ciapier treba samoj nazapasić na staraść. U najm iści nie chočacca — dzie ja jašče doma, zajmajučysia lubimaj spravaj, zmahu zarablać stolki ž?».
Znajšlisia i tyja, chto z žančynaj nie pahadziŭsia.
- «Škoła, miedycyna i inšaje — dziaržava tracić na vas značna bolš, čym vy płacicie padatkaŭ».
- «Vy viedali, na što išli. Nie chočacie pracavać u najmie — značyć, niama i adpačynku, jaki apłačvaje pracadaŭca».
Ciapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia5
Kamientary
Nado žie, kakoj zabotlivyj łukašizm okazyvajetsia. Počiemu žie tohda biełorusy vymirajut. I otkuda žie hos-vo bieriet eti dieńhi kotoryje dopołnitielno tratit, komu v nohi padať?
Hraždanam čieriez niezavisimyje ŚMI nužno riehularno vdałblivať v hołovu diejstvitielnyj narrativ, čto biełaruskoje hosudarstvo riehularno obmanyvajet svoj narod, otdirajet jeho i riehularno załazit v karman priedostavlaja tovary i usłuhi po zavyšiennoj stoimosti, vziatoj iz potołka, v kotoroj sidit korrupcionnaja sostavlajuŝaja.
Čiem mieńšie všivych błoch, tiem łučšie...