Litva daterminova adkryła miažu ź Biełaruśsiu 20 listapada, ale, niahledziačy na heta, litoŭskija fury, jakija zachraśli raniej, tak i nie pačali vyjazdžać ź Biełarusi. U čym prablema?
Łahist raskazaŭ «Našaj Nivie», što adna bujnaja litoŭskaja łahistyčnaja kampanija całkam apłaciła znachodžańnie svaich fur i paŭpryčepaŭ na płatnych parkoŭkach, ale heta nie dapamahło im — transpart nie vypuścili ŭ Litvu.
Pry hetym nijakich zakonnych aficyjnych tłumačeńniaŭ, čamu hruzaviki nie mohuć jechać, niama.
Asnoŭnaja viersija, jakuju abmiarkoŭvajuć kiraŭniki łahistyčnych kampanij, što Biełaruś čakaje, pakul Litva pahodzicca na praviadzieńnie dyjałohu ź joj na bolš vysokim uzroŭni.
«Bujnyja litoŭskija transpartniki nibyta ŭ kantakcie z uradam i patrabujuć ad jaho, kab jany pajšli na dyjałoh, a tyja supraciŭlajucca. Razmova idzie pra toje, što biełaruski bok choča kantaktaŭ na vysokim uzroŭni, kab abmierkavać prablemy i mieć harantyi ad Litvy, što situacyja z raptoŭnym zakryćciom miažy nie budzie paŭtaracca», — kaža łahist.
Taksama raskazvajuć, što na vychodnych na parkoŭki da kiroŭcaŭ pryjazdžali miascovyja čynoŭniki. Tyja čynoŭniki nibyta paviedamili, što kali ničoha nie źmienicca, to fury pačnuć vypuskać ź Biełarusi tolki z 1 śniežnia.
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka2
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Nu kak i priedpołahał chunta riešiła nakazať litovskoje rukovodstvo za dlinnyj jazyk i niepłocho vsio proviernuła. Litovcam žiełaju proviesti rabotu nad ošibkami i vziať na vooružienije princip - mieńšie słov bolšie dieł.