Łukašenka: Žyćcio prymusić Polšču i krainy Bałtyi budavać narmalnyja adnosiny ź Biełaruśsiu i Rasijaj
«Litoŭcy viščać, vieraščać ciapier: adkryjcie miažu. My jaje nie zakryvali».
Alaksandr Łukašenka zajaviŭ, što «žyćcio prymusić» Polšču i krainy Bałtyi budavać narmalnyja dačynieńni ź Biełaruśsiu i Rasijaj. Pra heta jon kazaŭ 17 listapada ŭ Minsku na sustrečy z hubiernataram Rastoŭskaj vobłaści Juryjem Ślusaram.
«Litoŭcy viščać, vieraščać ciapier: adkryjcie miažu. My jaje nie zakryvali. I my nikoli drenna ni da palakaŭ, ni da litoŭcaŭ, ni da łatyšoŭ nie stavilisia. Heta našy susiedzi, kudy dziecca? Tak, jany siońnia kirujucca zvonku. Viedajecie, žyćcio prymusić… Pryjduć da ŭłady inšyja ludzi, jakija buduć bačyć intaresy ŭ Biełarusi i Rasii, jak heta było raniej. Navošta [było] hublać hetyja rynki, hublać takija dobryja adnosiny?»
Siońnia nočču Polšča, jakaja spadziajecca na vyzvaleńnie ź biełaruskaj turmy polskaha aktyvista Andžeja Pačobuta, adkryła dva pierachody na biełaruskaj miažy.
A ministr zamiežnych spraŭ Kiastucis Budrys zajaviŭ, što Litva razhladaje mahčymaść adkryćcia dvuch zakrytych punktaŭ propusku na miažy ź Biełaruśsiu jašče da kanca listapada. Chacia ministr adznačyŭ, što situacyja na miažy ź Biełaruśsiu stała kantralavanaj, pryčyna paskareńnia adkryćcia miažy, imavierna, u tym, što ŭ Biełarusi akazalisia ŭ zakładnikach bolš za 1000 litoŭskich fur.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu11
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary