Ministr zamiežnych spraŭ Kiastucis Budrys zajaviŭ, što Litva razhladaje mahčymaść adkryćcia dvuch zakrytych punktaŭ propusku na miažy ź Biełaruśsiu jašče da kanca listapada.
Ministr zamiežnych spraŭ Kiastucis Budrys zajaviŭ, što Litva mahła b adkryć dva zakrytyja punkty na miažy ź Biełaruśsiu jašče da 30 listapada, piša LRT.
«Ja liču, što my pavinny kiravacca tymi ž pryčynami i paramietrami, pavodle jakich prymalisia rašeńni, — u paniadziełak u Siejmie zajaviŭ žurnalistam kiraŭnik litoŭskaj dypłamatyi. — Dumaju, što heta varta razhledzieć».
Tak jon adkazaŭ na pytańnie, ci mohuć pamiežnyja punkty być adkryty raniej, čym ciapier pastanaviŭ urad.
Kabiniet ministraŭ zakryŭ miažu ź Biełaruśsiu z peŭnymi vyklučeńniami da 30 listapada.
«My hladzim, što adbyvajecca ŭ niebie i na ziamli, funkcyjanujem my ci nie. Zadača nikoli nie palahała na tym, kab dasiahnuć niečaha da peŭnaj daty ci stavić niejkija asablivyja mety. Meta — praduchilić hibrydnyja ataki, jakija ździajśniajucca suprać nas, kab režym źmianiŭ svaje pavodziny», — skazaŭ Budrys.
Pavodle słovaŭ Budrysa, situacyja z pavietranymi šarami pad kantrolem.
«Situacyja, jak ja baču na siońniašni dzień, navat pry ŭmovach nadvorja, spryjalnych dla praviadzieńnia suprać nas hibrydnych napadaŭ, kantralavanaja. U tym sensie, što našy aeraporty funkcyjanujuć», — skazaŭ ministr.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary
ja baču , što my Biełarusy jak eŭrapiejskaja nacyja ruchajemsia da dabrabytu i demakratyi, vučymsia na našych pamyłkach