Rasijanie jeduć u Biełaruś na śviaty: braniravańnie hatelaŭ padskočyła
Biełaruś stała adnym z hałoŭnych favarytaŭ rasijskich turystaŭ dla sustrečy Novaha hoda. Pavodle infarmacyi Respublikanskaha sajuza turystyčnych arhanizacyj, braniravańnie hatelaŭ značna vyrasła. Na Biełaruś prypadaje 35% usich śviatočnych braniravańniaŭ rasiejcaŭ.
Popyt na hateli ŭ Biełarusi ŭ navahodnija śviaty ŭ rasijskich turystaŭ vyras na 36%. Asabliva zapatrabavanyja sustreča Novaha hoda ŭ Minsku i ekskursii pa zamkach. Taksama ŭ lik samych papularnych haradoŭ, aproč stalicy, uvachodziać Hrodna, Brest, Viciebsk i Mahiloŭ.
«Kraina lidziruje ŭ braniravańniach haścinic siarod usich zamiežnych napramkaŭ, jaje dola składaje 35% usich braniravańniaŭ, zroblenych rasijanami na śviaty», — pryvodzić takija dadzienyja RSTA.
Čaściej za ŭsio dla padarožžaŭ u Biełaruś na Novy hod turysty vybirajuć apartamienty (45%), a taksama ateli biez zorak (17%). Pa 13% prypadaje na haścinicy piać i try zorki, 4% — čatyry zorki, 2% — na chosteły i 3% — na haściavyja damy, kiempinhi i hłempinhi.
Kamientary