Finlandyja sklikaje susiedziaŭ Biełarusi na Samit Uschodniaha fłanhu ES
Premjer-ministr Finlandyi Pietery Orpa zaprasiŭ lidaraŭ siami krain — členaŭ Jeŭrasajuza na Samit Uschodniaha fłanhu, jaki projdzie ŭ Chielsinki 16 śniežnia. Takoje mierapryjemstva adbudziecca ŭpieršyniu.
U samicie voźmuć udzieł lidary Šviecyi, Estonii, Łatvii, Polščy, Bałharyi, Rumynii, Litvy.
Hałoŭnaj temaj sustrečy stanie biaśpieka Jeŭropy i hatoŭnaść da abarony, asabliva na ŭschodniaj źniešniaj miažy ES.
Pietery Orpa padkreśliŭ, što krainy, jakija miažujuć z Rasijaj, sutykajucca z ahulnymi vyklikami ŭ śfiery biaśpieki.
«My, jak susiedzi Rasii, sutykajemsia z ahulnymi prablemami biaśpieki. U apošni čas hibrydnyja apieracyi, kibierataki i parušeńni pavietranaj prastory paskorylisia. Abarona Jeŭropy pavinna być dadatkova ŭzmocnienaja na miažy z Rasijaj», — zajaviŭ jon.
Miarkujecca, što samit dazvolić krainam uschodniaha fłanhu pahłybić supracoŭnictva ŭ halinie abarony i kiravańnia miežami. Sustreča ŭ Chielsinki adbudziecca napiaredadni pasiadžeńnia Jeŭrapiejskaj rady ŭ Brusieli.
Kamientary