U Kramli zajavili, što jeŭrapiejski mirny płan im nie pasuje, a amierykanski lepšy
U Kramli zajaŭlajuć, što jeŭrapiejski mirny płan pa spynieńni rasijska-ŭkrainskaj vajny nie adpaviadaje ich intaresam. Pra heta skazaŭ pamočnik prezidenta Rasii Juryj Ušakoŭ, jakoha cytuje TASS.
Pavodle słoŭ Juryja Ušakova, Maskva znajomaja z prapanovami krain ES, ale ličyć ich «niekanstruktyŭnymi» i nieprymalnymi dla siabie.
U toj ža čas Ušakoŭ adznačyŭ, što adzin z varyjantaŭ amierykanskaha mirnaha płana, jaki abmiarkoŭvali na samicie na Alascy, utrymlivaje punkty, «prymalnyja» dla Rasii.
Jon taksama dadaŭ, što čakaje mahčymych kantaktaŭ pamiž ZŠA i Rasijaj dla niepasrednaha abmierkavańnia detalaŭ hetaha płana, adnak pakul nijakich kankretnych damoŭlenaściaŭ niama.
Miž tym daradca kiraŭnika Ofisa prezidenta Ukrainy Alaksandr Bieŭz paśla pieramoŭ u Ženievie adznačyŭ, što pieršapačatkovy varyjant amierykanskaha płana z 28 punktaŭ «u tym vyhladzie, u jakim jaho ŭsie bačyli, bolš nie isnuje».
Pa słovach Bieŭza,
- Ukraina abmierkavała z ZŠA kožny punkt dakumienta;
- častka punktaŭ była vydalenaja, častka — pierapracavanaja.
- usie zaŭvahi Kijeva byli ŭličanyja — nivodnaja nie praihnaravanaja.
Pavodle infarmacyi Financial Times, amierykanski płan u vyniku abmierkavańniaŭ damovilisia skaracić z 28 da 19 punktaŭ. Što kankretna źmianiłasia — nieviadoma.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Vojujem do konca