Dziaržsakratar ZŠA Marka Rubia: U amierykanski mirny płan uniasuć źmieny
«Unosim niekatoryja źmieny ŭ nadziei jašče bolš pamienšyć roznahałośsi i nablizicca da niečaha, što budzie prymalna jak dla Ukrainy, tak i, vidavočna, dla Złučanych Štataŭ», — skazaŭ dziaržaŭny sakratar ZŠA Marka Rubia pa vynikach pieramovaŭ u Ženevie.
23 listapada dziaržaŭny sakratar ZŠA Marka Rubia skazaŭ, što ŭ «mirnyja prapanovy» amierykanskaha boku buduć uniesienyja peŭnyja źmieny.
Pra heta paviedamlaje «Jeŭrapiejskaja praŭda» sa spasyłkaj na Sky News.
Rubia skazaŭ, što pieramovy ŭ Ženievie byli «najbolš praduktyŭnymi i važnymi na praciahu ŭsiaho času, z tych časoŭ jak my ŭdzielničajem u hetym pracesie [mirnaha ŭrehulavańnia]».
«U nas jość vielmi dobraja rabočaja viersija, jakaja ŭžo była stvoranaja na asnovie prapanovaŭ usich adpaviednych bakoŭ, jakija ŭdzielničajuć u hetym pracesie, i my zdoleli ciapier razhledzieć niekatoryja z hetych pytańniaŭ, punkt za punktam. I ja dumaju, što my dasiahnuli značnaha prahresu», — skazaŭ dziaržsakratar.
Jon dadaŭ, što pradstaŭniki delehacyj ciapier pracujuć nad «niekatorymi prapanovami, jakija nam byli pradastaŭleny».
«Tamu my pracujem nad hetym, unosiačy niekatoryja źmieny ŭ nadziei jašče bolš pamienšyć roznahałośsi i nablizicca da niečaha, što budzie prymalna jak dla Ukrainy, tak i, vidavočna, dla Złučanych Štataŭ», — skazaŭ Rubia.
Raniej prezident Ukrainy Uładzimir Zialenski pa vynikach pieršych pieramovaŭ u Ženievie skazaŭ, što prapanovy «mirnaha płana» ZŠA mohuć uličvać «krytyčna važnyja» pazicyi Ukrainy.
Amierykanski mirny płan uklučaŭ 28 punktaŭ. Jeŭropa pradstaviła ŭ adkaz svoj płan zakančeńnia vajny va Ukrainie.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary
Taksama Rubijo dadaŭ: «Prabačcie, ziama-trampisckija boty, jakija paśpieli ŭžo byli napisać, što papiaredni prajekt – vielmi dobry. My niejak nie padumali, što vam ciapier iznoŭ krucicca na patelni i adbrechvacca, ale vam nia ŭpieršyniu ž. Vy ž i tak schávajecie luboje našaje rašeńnie».