Płan ZŠA pa spynieńni vajny pamiž Rasijaj i Ukrainaj byŭ istotna skaročany padčas pieramovaŭ u Ženievie — zamiest 28 punktaŭ u im zastałosia 19, paviedamlaje Financial Times.
Pavodle infarmacyi vydańnia, niekatoryja patrabavańni vydalili abo źmianili paśla taho, jak Ukraina i jeŭrapiejskija krainy nazvali ich nieprymalnymi.
Kijeŭ nahadaŭ pra svaje «čyrvonyja linii» — nijakich abmiežavańniaŭ dla ŭłasnaj armii i nijakich terytaryjalnych sastupak, u tym liku admovy ad Danbasa. Jeŭrapiejskija sajuźniki padtrymali hetyja pazicyi i adznačyli, što pytańni zamarožanych rasijskich aktyvaŭ i sankcyj zastajucca ŭ kampietencyi ES.
Pradstaŭnik Ofisa prezidenta Ukrainy Alaksandr Bieŭz paćvierdziŭ, što pieršapačatkovaha 28‑punktnaha płana ŭžo niama: častku punktaŭ prybrali, častku — pierapracavali. Pry hetym usie zaŭvahi Kijeva byli ŭličanyja.
U Biełym domie zajavili, što 23 listapada ZŠA i Ukraina padrychtavali «abnoŭlenuju i ŭdakładnienuju» viersiju płana, jaki pavinien zabiaśpiečyć suvierenitet Ukrainy i spraviadlivy dy tryvały mir.
Dziaržsakratar ZŠA Marka Rubia adznačyŭ «vialiki prahres», choć dakumient jašče patrabuje dapracoŭki. Kančatkovuju viersiju pavinny zaćvierdzić Donald Tramp i Uładzimir Zialenski, paśla čaho jana budzie pieradadziena Maskvie.
Tramp u svajoj sietcy Truth Social napisaŭ, što, mahčyma, «źjaviŭsia praśviet» u spravie pieramovaŭ, ale zaklikaŭ nie radavacca daterminova. Raniej jon patrabavaŭ, kab Ukraina pryniała płan da 27 listapada, ale paśla zajaviŭ, što dakumient nie źjaŭlajecca «finalnaj prapanovaj».
U Jeŭropie čakajuć praciahu pieramovaŭ na nastupnym tydni pry ŭdziele Francyi, Hiermanii, Vialikabrytanii, a taksama, mahčyma, Polščy, Finlandyi i hiensieka NATA Marka Rute. Niekatoryja jeŭrapiejskija dypłamaty pryznajuć, što rychtujucca i da scenaryja, kali Tramp moža całkam admovicca ad padtrymki Ukrainy.
Prezident Finlandyi Alaksandr Stub paśla razmovy z prezidentam Ukrainy Uładzimiram Zialenskim nazvaŭ ženieŭskija pieramovy «krokam napierad», ale padkreśliŭ, što šerah važnych pytańniaŭ pa-raniejšamu nie vyrašany. Jon dadaŭ, što ŭsie aśpiekty, jakija tyčaccca ES abo NATA, buduć abmiarkoŭvacca asobnymi farmatami.
Adnačasova pres-sakratar Kramla Dźmitryj Piaskoŭ zajaviŭ, što Rasija nie atrymlivała ad ZŠA aficyjnych paviedamleńniaŭ pra hetyja pieramovy i sustrečy pradstaŭnikoŭ dźviuch krain na hetym tydni nie płanujucca.
U Kramli zajavili, što jeŭrapiejski mirny płan im nie pasuje, a amierykanski lepšy
Rubia pakinuŭ Ženievu, zajaviŭšy pra značny prahres u pieramovach z Ukrainaj
Dziaržsakratar ZŠA Marka Rubia: U amierykanski mirny płan uniasuć źmieny
Źjaviŭsia płan Jeŭropy pa zakančeńni vajny va Ukrainie — poŭny tekst
28 punktaŭ «mirnaha płana» ZŠA — poŭny śpis
Kreml: Sustreča z amierykancami na hetym tydni nie čakajecca
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
Kamientary
1) va ŭładzie Ukrainy i Jeŭropy naiŭnyja idyjoty vierujučyja ŭ cud što Pucin znachodziačysia ŭ mocnaj pazicyi dabraachvotna padpiša kapitulacyju.
2) ułady Ukrainy i ES zacikaŭleny ŭ praciahu vajny.
1) rasiejcy vymiatajucca z Ukrainy dobraachvotna. Płaciać reparacyi, ale zachoŭvajuć svaju dziaržavu.
2) rasiejcaŭ vykidajuć z Ukrainy siłaj. Reparacyi nie płaciać, ale rasiejskaja dziaržava demantujecca, zamiest jaje ŭtvarajecca tuzin nacyjanalnych dziaržaŭ, na pieršych etapach sa źniešnim kiraŭnictvam.
Usie astatnija płany - ad djabła.