20 listapada načalnik rasijskaha Hienštaba Valeryj Hierasimaŭ dałažyŭ prezidentu Rasii Uładzimiru Pucinu pra ŭziaćcie rasijskimi vajskoŭcami ŭkrainskaha horada Kupiansk. Adnak heta admaŭlajuć nie tolki ŭkrainskija vajskoŭcy — da jaho zajavy skieptyčna pastavilisia navat rasijskija błohiery, jakija padtrymlivajuć vajnu, piša Bi-bi-si.
«Złučeńni hrupoŭki «Zachad» vyzvalili horad Kupiansk i praciahvajuć źniščeńnie farmavańniaŭ Uzbrojenych sił Ukrainy, akružanych na levym bierazie raki Askoł», — dałažyŭ Hierasimaŭ prezidentu Rasii Uładzimiru Pucinu ŭ čaćvier, pieradaje «Interfaks».
U svaju čarhu, kamandujučy hrupoŭkaj vojskaŭ «Zachad» Siarhiej Kuzaŭloŭ zajaviŭ, što paśla pierachodu pad rasijski kantrol Kupianska ŭ im jašče zastalisia asobnyja razroźnienyja hrupy ŭkrainskich vajskoŭcaŭ.
«Horad znachodzicca pad našym kantrolem, źniščajucca asobnyja drobnyja razroźnienyja hrupy praciŭnika», — paviedamiŭ Kuzaŭloŭ Pucinu.
Jon taksama zajaviŭ, što rasijskija vajskoŭcy nie dapuścili praryvu ŭkrainskich sił z koła akružeńnia ŭ Kupiansku.
«Praciŭnik nieadnarazova rabiŭ sproby debłakavać akružanuju hrupoŭku, adnavić pierapravy praz raku Askoł, a taksama sprabavaŭ vyrvacca z kalca akružeńnia. Usie kontrataki adbityja, praryvu ŭkrainskich farmavańniaŭ z akružeńnia nie dapuščana», — paviedamiŭ kamandujučy.
21 listapada zajavu Hierasimava prakamientavali ŭ hrupoŭcy Abjadnanych sił USU. Tam admaŭlajuć rasijski kantrol nad Kupianskam.
«Staŭšy zakładnikami ŭłasnaj chłuśni, rasijskija kiraŭniki vymušanyja naroščvać jaje hradus. U horadzie Kupiansk hrupy rasijan, raśsiarodžanyja ŭ paŭnočnych rajonach horada, naličvajuć kala 40 čałaviek, pakul jašče zdolnych padavać hołas. Pasiołak Kupiansk-Vuzłavy znachodzicca pad kantrolem Sił abarony Ukrainy», — havorycca ŭ zajavie.
«Asobna adznačym, što jaho płošča ŭ 4 kvadratnyja kiłamietry robić niemahčymym nie tolki akružyć tam takuju kolkaść padraździaleńniaŭ, ale i prosta raźmiaścić», — dadali ŭ hrupoŭcy.
U toj ža čas zajavu Hierasimava ab uziaćci pad kantrol Kupianska acprečvajuć nie tolki ŭkrainskija vajskoŭcy — da jaje skieptyčna pastavilisia i rasijskija błohiery, jakija padtrymlivajuć vajnu, piša vajskovy ahladalnik Bi-bi-si Pavieł Aksionaŭ.
«Zajava Hierasimava ab poŭnym vyzvaleńni Kupianska pakul nie prailustravanaja kadrami abjektyŭnaha kantrolu», — pryvodzić jon kamientar rasijskaha pravajennaha telehram-kanała «Dva majora».
«Vojennyj informator» nazvaŭ dakład Hierasimava Pucinu «jazdoj napieradzie paravoza», a «Kanał vizioniera» napisaŭ, što «zajavy NHŠ pra poŭnaje vyzvaleńnie Kupianska […] vyklikajuć, miakka kažučy, šok».
Jašče 19 listapada śćviardžeńnie ab uziaćci Kupianska nazyvaŭ «ašukanstvam» blizki da Minabarony Rasii kanał «Rybaŕ».
Heta nie pieršy raz, kali paviedamleńni rasijskaha vajskovaha kamandavańnia nie paćviardžajucca paviedamleńniami ź miescaŭ, pryčym takoje zdarałasia mienavita ŭ dačynieńni Kupianska. U kancy žniŭnia, padvodziačy vyniki viasnova-letniaj kampanii, Hierasimaŭ zajaviŭ, što pałovu horada ŭžo zachapili.
Dziakujučy pieravazie ŭ žyvoj sile — asnoŭnamu faktaru pośpiechu na vajnie — rasijskaja armija prasoŭvajecca adrazu na niekalkich kirunkach — naprykład, u Pakroŭsku i vakolicy Hulajpola. Adnak, prasoŭvańnie heta nie vielmi chutkaje, adznačaje Aksionaŭ.
Vojski vymušanyja vykarystoŭvać taktyku pratočvańnia praź niaščylnuju, časta ačahovuju abaronu nievialikimi hrupami, a ŭkraincy ŭtrymlivajuć pazicyi, navat znachodziačysia ŭ ciažkim stanoviščy.
Bai ŭ Kupiansku. Ci varta čakać chutkaha padzieńnia horada?
Pahroza navisła nad Hulajpolem. Ci ŭdasca spynić rasijskaje nastupleńnie?
Abaronu Pakroŭska łamaje rasijskaje padraździaleńnie «Rubikon»
Prychavanaje praniknieńnie: jakija źmieny ŭ taktycy rasijskaj armii pakazaŭ šturm Pakroŭska?
«Heta sapraŭdnaja niebiaśpieka dla Ukrainy». Va USU raście kolkaść vypadkaŭ samavołak i deziercirstva
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary