Pravaabaroncy z «Homielskaj viasny» zaŭvažyli, što ŭ «śpis ekstremistaŭ», jaki 21 listapada MUS papoŭniła 30 novymi proźviščami, uklučanyja dva pradprymalniki z Homielskaj vobłaści.
42‑hadovaha hamielčuka Andreja Harmiela sud pryznaŭ vinavatym u «sadziejničańni ekstremisckaj dziejnaści». Jaki kankretna prysud jon atrymaŭ, pravaabaroncy jašče vyśviatlajuć, ale viadoma, što pakarańnie nie praduhledžvaje źniavoleńnia — chutčej za ŭsio, heta abmiežavańnie voli biez nakiravańnia ŭ śpiecustanovu.
Padrabiaznaści abvinavačańnia nie ahučvajucca, ale možna mierkavać, što sprava Harmiela źviazanaja z supracoŭnictvam z kanałam «Biełaruski Hajun».
Andrej Harmiel raniej pracavaŭ indyvidualnym pradprymalnikam u śfiery ramontu kampjutarnaj techniki.
43‑hadovaha Andreja Sudzibora z Kalinkavickaha rajona asudzili pavodle artykułu ab «raspalvańni varožaści». Prysud, zhodna z papiaredniaj infarmacyjaj, źviazany sa źniavoleńniem — ci to praz «chimiju», ci praz kałoniju. Pravaabaroncy vyśviatlajuć, za jakija mienavita dziejańni jon byŭ asudžany.
Sudzibor taksama mieŭ pradprymalnicki dośvied: raniej zdavaŭ žyllo ŭ arendu ŭ Mazyry, a ŭ 2024 hodzie na jahonaje imia ŭ Maskvie byŭ zarehistravany handlovy dom, što zajmaŭsia budmateryjałami i santechnikaj.
Usiaho ŭ «ekstremisckim» śpisie ciapier 6019 čałaviek.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary