Były palitviazień Hienadź Fiadynič raskazaŭ, čamu admoviŭsia za kratami ad apieracyi
Vyzvaleny 11 vieraśnia i adrazu vydvarany za miažu palitviazień Hienadź Fiadynič, šmathadovy kiraŭnik niezaležnaha prafsajuza pracaŭnikoŭ radyjoelektronnaj pramysłovaści, raskazaŭ prafsajuznamu sajtu IndustriAll, jak pahoršyła jahonaje zdaroŭje turma.
«Zdaroŭje drennaje. Jość šmat chvarob. U turmie ŭ mianie raźviŭsia dyjabiet. Ja płanavaŭ apieracyju pa hryžy ŭ krasaviku 2022 hoda, ale mianie aryštavali raniej. Dobryja ludzi ŭ turmie papiaredzili: kali prapanujuć apieracyju ŭ Minsku, heta moža być apošniaja apieracyja. Kazali, što takich, jak ja, mohuć prosta «śpisać», spasłaŭšysia na «sardečny prystup». Ja ŭdziačny im za ščyraść i daśviedčanaść».
U turmie Fiadynič, jak i inšyja palitviaźni, infarmacyju pra toje, što adbyvajecca ŭ krainie i śviecie, atrymlivaŭ pieravažna ź dziaržaŭnaj presy. Pavodle jaho słoŭ, jon vypisvaŭ hazietu «Minskaja praŭda», a čytaŭ jaje «pamiž radkoŭ».
Zhadaŭ jon i pra sud nad saboj, jaki prysudziŭ jamu 9 hadoŭ, choć moh i 12:
«U vyniku nam dali dzieviać hadoŭ. Ja spytaŭ u sudździ: čamu nie dvanaccać, maksimum? Jana skazała: «Vy ž piensijaniery». Ja adkazaŭ: «Nu, vaša dabrynia nie maje miežaŭ».
A z turemnym načalstvam jon navat navažyŭsia pažartavać:
«Načalnik apieratyŭnaha adździeła vyklikaŭ mianie i spytaŭ, što ja płanuju rabić. Ja skazaŭ: «Kali daścio zadańnie, mahu stvaryć prafsajuznuju arhanizacyju». Jon spałochaŭsia i kaža: «Što?! Nie, tolki nie heta». Ja skazaŭ: «Žartuju, tavaryš padpałkoŭnik».
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary