U Vilni prajšła pres-kanfierencyja vyzvalenych palitviaźniaŭ
Vystupaje pieršaj Śviatłana Cichanoŭskaja. Jana padziakavała ZŠA, Donaldu Trampu i Džonu Koŭłu za vyzvaleńnie palitviaźniaŭ. Padziakavała Litvie, što zmahła za viečar aformić vizy i puścić usich palitviaźniaŭ.
Jana taksama vykazała zaniepakojenaść losam Mikoły Statkieviča, a taksama zaznačyła, što prymusovaja departacyja supiarečyć mižnarodnamu pravu.
Cichanoŭskaja vykazała zachapleńnie biełarusami, jakija mienš čym za sutki zmahli sabrać na patreby palitviaźniaŭ užo 86 tysiač dalaraŭ.
Zatym vystupiŭ «Volny chor», jaki praśpiavaŭ «Mahutny Boža».
Z karotkim słovam vystupiŭ prezident «Radyjo Svabody» Styŭ Kapus, a potym mikrafon uziaŭ vyzvaleny siabra «Narodnaj hramady».
Siarhiej Sparyš, jaki vykazaŭ bojaź za los Mikoły Statkieviča, što vyrašyŭ zastacca ŭ Biełarusi.
Jon skazaŭ, što sustreŭ Mikołu Viktaraviča ŭ SIZA KDB, i tam Statkievič dobra vyhladaŭ, jon vielmi rady, što biełaruskaja nacyja sfarmavałasia.
Taksama ŭ Statkieviča ŭ turmie byŭ infarkt, u jaho arytmija, i jon niekalki raz pieranios kavid.
Statkievič skazaŭ, što maralny lidar moža być tolki ŭnutry Biełarusi, Nielsan Mandeła nie moh stać lidaram na emihracyi.
Lidar Partyi zialonych Dźmitryj Kučuk raskazaŭ pra toje, jak jaho katavali ŭ SIZA i kałonii
Supracoŭniki MUS raspaŭsiudzili pra jaho infarmacyju, što jon «kiraŭnik supolnaści ŁHBT u Biełarusi» z usimi nastupstvami. Kučuk jašče ŭvieś u žachu ad taho, što ź im adbyvałasia.
Mikoła Dziadok: «Niehvałtoŭny supraciŭ nie pracuje, kali taki teror, jak u łukašenkaŭskaj Biełarusi. Hetyja hady ŭ Biełarusi — heta jak novy 37-y hod».
Anarchist Mikoła Dziadok padziakavaŭ Donaldu Trampu: «Prezident vialikaj krainy pamiataje pra palitviaźniaŭ u dalokaj krainie! Palityčnyja elity Zachadu mahli b zabić na Biełaruś — takaja vajna idzie! A jany pamiatajuć i zmahajucca za nas»
«Śviet jašče nie ŭjaŭlaje tych žachaŭ, što adbyvajucca ŭ Biełarusi! Troch pres-kanfierencyj nie chopić, kab raskazać usio toje, što kožny z palitviaźniaŭ pieražyŭ. Ja pračynaŭsia ad taho, što darosłyja mužyki vyli ad choładu ŭ ŠIZA i zvali mamu. Ludzi na maich vačach nie ŭ pieranosnym, a ŭ litaralnym sensie słova varjacieli ad choładu».
Dziadok źviarnuŭsia da palityčnych elit Zachadu: kali łaska, nie spyniajciesia zmahacca za vyzvaleńnie ludziej!
Mikoła Dziadok ledź strymlivaŭ ślozy paśla taho, jak raskazaŭ pra toje, što pieražyŭ u turmach i što bačyŭ na svaje vočy.
Słaŭnikava: Maryja Kaleśnikava ŭsio takaja pryhožaja, z uśmieškaju na vusnach i z čyrvonaj pamadaj!
Zmarnieły prafsajuzny lidar Hienadź Fiadynič pračytaŭ svoj vierš, napisany za kratami
Usie jahonyja tvory i zapisy kanfiskavali kahebisty pry vyzvaleńni.
Prafsajuzny lidar Jarašuk: Siły nam nadavała adčuvańnie, što my praciahvajem słaŭnuju šmatviekavuju historyju biełaruskaha naroda
Jarašuk: «Takaja bliskučaja apieracyja, ašukali samoha Trampa: parvali nam pašparty»
«Ale my vierniemsia ŭ Biełaruś pieramožcami, — upeŭnieny Alaksandr Jarašuk, — niahledziačy na tyja parvanyja pašparty».
Siły nam nadavała adčuvańnie, što my praciahvajem słaŭnuju šmatviekavuju historyju biełaruskaha naroda, skazaŭ jon.
74-hadovy prafsajuzny lidar nazvaŭ kałoniju ŭ Škłovie, dzie jaho ŭtrymlivali, «fabrykaj katavańniaŭ». Jon abvinavaciŭ načalnika hetaj kałonii pałkoŭnika Karnijenku ŭ naŭmysnaj arhanizacyi hetych katavańniaŭ.
Jarašuk taksama skazaŭ, što naziraŭ: hetyja siłaviki i kahebisty, jakija im zajmalisia, nasamreč strašna bajacca i chavajuć tvary pad maskami.
Ščyrakova: Dziakuju prezidentu Trampu! Raniej ja jaho nie padtrymlivała, a zaraz budu hałasavać tolki za Respublikancaŭ
Žurnalistka z Homiela pačała svoj vystup z žartu.
Aleś Mancevič raskazaŭ pra 70-hadovaha palitviaźnia-prafsajuźnika Vacłava Arešku: jon całkam aślep
«Ja pieršy čas u kałonii spaŭ na susiedniaj škoncy ź im. Spačatku jon bačyŭ, a paśla aślep. Udzień Vacłaŭ pytajecca: ci siońnia sonca na niebie jość? Samaje strašnaje, što jon unačy vymušany navobmacak chadzić u tualet. Padaje, raźbivajecca ŭ kroŭ…»
63-hadovy palitviazień Andrej Kryłoŭ paprasiŭ nie zabyvać pra palitźniavolenych ksiandzoŭ: ich šmat u kałonijach!
Jon źviarnuŭsia da Vatykana z napaminam pra źniavolenych śviataroŭ. Sam mužčyna pierasiakaŭsia z Hienrycham Akałatovičam i Andrejem Juchnievičam.
Mikoła Dziadok raskazaŭ, jak u vialikaj hrupy palitviaźniaŭ adabrali pašparty
«Apošni dzień bić nie bili, bo bajalisia pakinuć siniaki. Ale prymušali słuchać himn stojačy».
«Počiemu nach** nie vstaješ nach**», — paćvierdziŭ inšy palitviazień.
Viačasłaŭ Łazaraŭ, jaki vyjšaŭ z PK-15, trochi raskazaŭ pra Padniabiennaha, jaki zahinuŭ «ad udušša».
«Jon byŭ u narmalnym psichałahičnym stanie, u jaho nie było dumak pra samahubstva. U kalektyvie ŭ jaho byli narmalnyja adnosiny».
Hleb Hładkoŭski z PK-1 raskazaŭ pra Viktara Babaryku: takoje ŭražańnie, što jaho taksama rychtujuć da vyzvaleńnia.
«Jamu dajuć atavarvacca, adkormlivajuć».
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary