Ceny na kvatery ŭ centry Hrodna rastuć šalonymi tempami. I voś čamu
Ceny na nieruchomaść imkliva rastuć nie tolki ŭ Minsku. U Hrodnie siaredni košt kvadratnaha mietra niadaŭna pieravysiŭ adznaku ŭ 1000 dalaraŭ. Ceny na žyllo ŭ centry horada zaškalvajuć. Miascovyja ličać, što heta adbyvajecca ŭ tym liku z-za vialikaj kolkaści turystaŭ z Rasii. Ale nie tolki heta stała pryčynaj.
Plus 21% za hod
U žniŭni siaredni košt kvadrata ŭ Hrodnie pieravaliŭ za $1000. Heta adbyłosia ŭpieršyniu za bolš čym 10 hadoŭ. Apošni raz kvadrat u Hrodnie kaštavaŭ bolš za $1000 u pačatku 2015 hoda.
Pierad pačatkam poŭnamaštabnaj vajny kvadrat u Hrodnie ŭ siarednim kaštavaŭ kala $740 Pryčym z druhoj pałovy 2016‑ha da vosieni 2022‑ha cana zastavałasia stabilnaj i vahałasia ŭ miežach $700‑$750.
Chutki rost cen pačaŭsia z vosieni 2024 hoda. Za hod kvadrat u abłasnym centry pa vynikach realnych ździełak u siarednim padaražeŭ na 21%. Dla paraŭnańnia: u Minsku za hod — plus 17%.
«Praz popyt padniaŭ canu na niekalki tysiač dalaraŭ»
Niahledziačy na toje, što ceny praciahvajuć raści, popyt taksama zastajecca na vysokim uzroŭni.
Haradžanin, jaki niadaŭna pradaŭ trochpakajoŭku ŭ Hrodnie, pryznajecca, što praz vysoki popyt padniaŭ canu na niekalki tysiač dalaraŭ.
«Atrymałasia, što kvateru niedaacaniŭ, było vielmi šmat zacikaŭlenych adrazu paśla vychadu abjavy, tamu vyrašyŭ pasprabavać padniać canu na niekalki tysiač dalaraŭ. U vyniku vyručyŭ za žyllo bolš, čym pieršapačatkova raźličvaŭ», — kaža haradzieniec.
Pa abnoŭlenaj canie jahonaj kvateraj usio roŭna praciahvali cikavicca davoli aktyŭna.
Pa nazirańniach surazmoŭcy, častka ludziej, jakija chočuć sabie trochpakajoŭku, — va ŭzroście 50—60 hadoŭ, jakim stała ciažka ŭtrymlivać katedž, a zvyčka mieć prastornaje žytło zastałasia.
Taksama było niamała patencyjnych pakupnikoŭ siarod tych, chto pracuje dalnabojščykami ŭ Jeŭropie.
«Ale jany bolš cikaviacca novabudoŭlami. Ahułam u horadzie situacyja takaja, što kali heta nie niejki novabud u Hrandzičach abo Alšancy (addalenyja rajony horada. — NN), to kvatery ŭ dobrych łakacyjach raspradajucca jašče da taho, jak dom pačali budavać», — adznačaje haradžanin.
Babušatniki pa kaśmičnych cenach
Siarod pryčyn, čamu ŭ Hrodnie raście cana na nieruchomaść, inšy surazmoŭca nazyvaje turystyčny bum, jaki ciahniecca ŭžo nie pieršy hod.
«Nabyć adna— ci dvuchpakajoŭku ŭ centry ciapier vielmi składana. Takija kvatery abo pradajucca jašče da taho, jak paśpiejuć trapić u volny dostup, abo cana budzie vielmi vysokaja».
Pa nazirańniach surazmoŭcy, kvatery ŭ centry horada ŭ paraŭnańni z papiarednimi hadami padaraželi minimum na 50%.
Kvater u centry, jakija patencyjna cikavyja dla zdačy ŭ pasutačnuju arendu, pradajecca niašmat, tamu ceny sapraŭdy ździŭlajuć.
Samaja tannaja adnapakajoŭka ŭ histaryčnyj častcy horada pradajecca za 50 tysiač dalaraŭ. Mieścicca jana na vulicy Zamkavaj, što ŭ samym centry horada. Za niekalki krokaŭ ad jaje znachodziacca dva zamki, sinahoha, Farny kaścioł i inšyja słavutaści.
Ahulnaja płošča kvatery — 35,5 m². Takim čynam, mietr u joj kaštuje $1405. Pry hetym žyllo patrabuje kapitalnaha ramontu.
U domie niepadaloku pradajucca adrazu dźvie kvatery. Za adnapakajoŭku płoščaj 32 m² prosiać $58 tysiač, što bolš za $1800 za mietr.
Ramont u kvatery značna lepšy, ale ŭsio roŭna vielmi daloki ad taho, kab takuju kvateru možna było doraha zdavać turystam.
Dvuchpakajoŭku na 45 m² ź vidam na Farny kaścioł pradajuć za $82 tysiačy. Heta taksama bolš za $1800 za mietr.
Jak i ŭ vypadku z papiarednimi varyjantami, kvatera patrabuje ramontu.
Dvuchpakajovuju kvateru na 50 kvadrataŭ, što mieścicca pobač ź piešachodnaj vulicaj Savieckaj, acanili ŭ $75 tysiač, abo $1500 za mietr.
Ale biez kapitalnych układańniaŭ žyć, a tym bolš zdavać u arendu hetuju kvateru nie atrymajecca.
Dvuchpakajoŭku na 53 m² sa śviežym dyzajnierskim ramontam i vidam na Dramatyčny teatr acanili ŭ $149 tysiač, ci $2800 za mietr.
Turyzm padymaje ceny
Haradžanin, jaki maje adrazu dźvie kvatery pad zdaču ŭ histaryčnym centry, kaža, što kali čatyry-piać hadoŭ tamu adnapakajoŭku, jakaja patrabavała kapitalnaha ramontu, možna było nabyć za $ 20‑25 tysiač. Ciapier ža mienš čym za $40—45 tysiač u centry kvater nie byvaje.
«Usio skuplajuć pad zdaču, bo praz turystyčny bum, jaki ciahniecca apošnija try hady, zdavać žyllo na sutki stała vielmi vyhadna. Kali havorka idzie pra centralnuju častku i dobry ramont, to noč u siarednim kaštuje ad $50, u pikavyja dni ceny lohka vyrastajuć da $100 za sutki arendy», — kaža surazmoŭca.
Z krasavika i da kastryčnika kvatery zdajucca vielmi dobra. Zasielenaść amal 100%, a broń zvyčajna raśpisana na 2‑4 tydni napierad.
«U asnoŭnym, kaniečnie, jeduć rasijanie, jakija zahadzia branirujuć praz «sutočno.ru». Dla biełarusaŭ, jakija nie pakłapacilisia pra kvateru za tydzień-dva da pajezdki, miescaŭ u horadzie časam nie chapaje, tamu im davodzicca pahulać dzień i jechać dadomu».
A voś što tyčycca turystaŭ ź Jeŭrasajuza, to, pa nazirańniach surazmoŭcy, ich ciapier amal niama.
Kvatery zamiest mašyn
Jašče adzin surazmoŭca, jaki maje dźvie kvatery na zdaču i znachodzicca ŭ pošukach treciaj, taksama adznačaje vialiki rost cen na žyllo.
«Daŭno mieŭ pad zdaču kvateru ŭ adnym sa spalnych rajonaŭ horada. Zdavałasia jana da leta 2022 hoda nie vielmi dobra i pa nievysokim košcie. Ale z rostam turpatoku i ŭ jaje pačali zasialacca turysty, asabliva pa vychadnych, kali miescaŭ u centry ŭsim nie chapaje».
Rost popytu i cen na arendu padšturchnuli surazmoŭcu da kupli jašče adnoj kvatery. Jak i mnohija haradžanie, mužčyna zajmaŭsia pryhonam aŭto ź Jeŭropy na prodaž, a kali ŭ 2024‑m pieraprodaž aŭto ŭ Rasiju pačaŭ stračvać aktualnaść, jon vyniaŭ častku hrošaj z mašyn i nabyŭ kvateru ŭ centry.
«Tady atrymałasia vyrvać kvateru pad ramont usiaho za $27 tysiač», — zhadvaje surazmoŭca.
Pa słovach haradzienca, paśla ramontu kvatera amal kožny dzień zasielenaja. Tamu ciapier jon znachodzicca ŭ pošukach jašče adnoj kvatery pad pasutačnuju arendu.
«Z mašynami stała jašče horš, tamu chaču maksimalna vyniać hrošy z aŭtabiznesu i ŭkłaścisia ŭ nieruchomaść pad zdaču. Ale ciapier znajści padychodziačy varyjant značna składaniej, čym heta było letaś. Mienš za $40 tysiač ničoha niama. Pa maich nazirańniach, ja daloka nie adziny čałaviek z aŭtabiznesu, jaki pačaŭ układvać hrošy z mašyn u kvatery, kab potym ich zdavać», — pryznajecca mužčyna.
Na jaho dumku, heta niemałavažny čyńnik, jaki ŭpłyvaje na rost cen u horadzie.
«U 2022-m, kali pačaŭsia bum na pryhon aŭto, niekatoryja pradavali kvatery, kab ukłaścisia ŭ mašyny, bo ŭ peŭny pieryjad heta była vielmi prybytkovaja sprava. Ciapier naadvarot mnohija sychodziać z aŭtabiznesu i ŭkładajuć hrošy ŭ nieruchomaść», — dzielicca nazirańniami jon.
Ciapier čytajuć
Što raskazvaŭ Statkievič susiedziam u noč pierad vyjezdam na miažu2
Kamientary
obŝij
1) ahulny
obŝieje sobranije — ahulny schod
obŝij itoh — a) ahulny padrachunak b) ahulny vynik
obŝije voprosy — ahulnyja pytańni
obŝij naibolšij dielitiel — ahulny najbolšy dzielnik
obŝieje naimieńšieje kratnoje — ahulnaje najmienšaje kratnaje
2) (sovmiestnyj) ahulny, supolny
********v obŝiem — uvohule, naohuł ***************
************v obŝiej słožnosti — uvohule*******
ahúłam, prysł. (razm.).
Usie razam, hurtam.
A. małacić zbožža.
Usio adrazu, całkam (kupić, pradać i pad.).
Pradać frukty a.
Niekankretna.
Razabracca ŭ spravie nie a., a kankretna.
vyniać = vynuť, izvleċ