16 sakavika na Kubie adbyłosia poŭnaje adklučeńnie elektraenierhii, paviedamili miascovyja ŭłady.
Dziaržaŭnaja enierhietyčnaja kampanija paviedamiła, što pačała praces adnaŭleńnia elektrazabieśpiačeńnia. Pa jaje infarmacyi, na momant adklučeńnia nie było paviedamleńniaŭ pra zboi ŭ pracy ciepłavych elektrastancyj, jakija znachodzilisia ŭ ekspłuatacyi. Ministerstva enierhietyki i hornazdabyŭnaj pramysłovaści pačało rasśledavańnie pryčyn zdareńnia.
Błekaŭt adbyŭsia na fonie pahłybleńnia enierhietyčnaha i ekanamičnaha kryzisu ŭ krainie. Prezident Kuby Mihiel Dyjas-Kaniel raniej zajaŭlaŭ, što kraina ŭžo bolš za try miesiacy nie atrymlivaje pastavak nafty i vymušanaja vykarystoŭvać soniečnuju enierhiju, pryrodny haz i ciepłaelektrastancyi.
Bolš za tydzień tamu na zachadzie Kuby ŭžo adbyvałasia maštabnaje adklučeńnie elektryčnaści, u vyniku jakoha bieź śviatła zastalisia miljony ludziej.
Raniej Kuba atrymlivała naftu ź Vieniesueły, ale pastaŭki spynilisia paśla taho, jak u pačatku studzienia ŭłady ZŠA zachapili vieniesuelskaha lidara Nikałasa Madura.
Nasielnictva Kuby składaje kala 11 miljonaŭ čałaviek.
Kuba daŭno nie žyła dobra. Pry hetym jaje ekanamičnaja madel i demahrafičnaje padzieńnie mocna nahadvaje łukašenkaŭskuju. Joj kaniec?
Praz enierhietyčny kryzis demanstranty na Kubie razhramili ofis Kampartyi
Sienatar Hrem: Dni Kuby źličanyja
Tramp dapuściŭ siabroŭski zachop Kuby
Kuba navažyłasia na pieramovy z Trampam
Kamientary