«Jak vy viedajecie, u ich vialikija niepryjemnaści. U ich niama hrošaj», — skazaŭ prezident ZŠA pierad Biełym domam pierad adlotam u Techas.
ZŠA mohuć ździejśnić «družalubny zachop Kuby», zajaviŭ amierykanski prezident Donald Tramp, adkazvajučy na pytańni žurnalistaŭ pierad Biełym domam.
«Kubinski ŭrad viadzie z nami pieramovy. Jak vy viedajecie, u ich vialikija niepryjemnaści. U ich niama hrošaj. Zaraz u ich niama ničoha. Ale jany viaduć pieramovy z nami. I, mahčyma, my ździejśnim družalubny zachop Kuby», — skazaŭ Tramp.
Prezident ZŠA nazvaŭ Kubu «miakka kažučy, krainaj-niaŭdačnicaj». Jon raspavioŭ, što ŭ dziacinstvie šmat čuŭ pra hety vostraŭ, i «ŭsie chacieli pieramien».
«Marka Rubia zajmajecca hetym pytańniem, i na vielmi vysokim uzroŭni. I, viedajecie, u ich niama hrošaj, u ich niama nafty, u ich niama ježy. I zaraz nacyja sapraŭdy znachodzicca ŭ ciažkim stanoviščy, i im patrebna naša dapamoha», — dadaŭ jon.
Paśla apieracyi ŭ Karakasie 3 studzienia pa zachopu Nikałasa Madura Tramp źviarnuŭ uvahu na Kubu. Jon nieadnarazova zajaŭlaŭ, što Kuba «moža stać nastupnaj», a ŭrad vostrava «visić na vałasku» i ZŠA nie zastajecca ničoha inšaha, akramia jak «pryjści i ŭzarvać hetaje miesca». Taksama jon pryhraziŭ sankcyjami.
U adkaz kubinski prezident Mihiel Dyjas-Kanel papiaredziŭ, što kraina hatovaja da abarony.
Paśla taho, jak Donald Tramp pryhraziŭ Kubie sankcyjami, kraina sutyknułasia ź ciažkaściami, źviazanymi z pastaŭkami nafty i palotami samalotaŭ. Tak, Mieksika prypyniła pastaŭki nafty. U kancy studzienia paviedamlałasia, što nafty na Kubie zastavałasia na dva-try tydni.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy6
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary