Dziaržaŭnaja ministarka AAE: Iran nie pavinien trymać suśvietnuju ekanomiku ŭ zakładnikach
Dziaržaŭnaja ministarka Abjadnanych Arabskich Emirataŭ Łana Nusejbe zaklikała mižnarodnuju supolnaść prymusić Iran spynić błakavańnie Armuzskaha praliva. U intervju Euronews jana taksama vysoka acaniła padtrymku, jakuju akazvaje rehijonu Jeŭrasajuz.
Pavodle słoŭ emirackaj čynoŭnicy, hety vuzki marski šlach pamiž Iranam i Amanam maje klučavoje značeńnie dla suśvietnaj ekanomiki, bo praź jaho prachodzić kala 20% suśvietnych pastavak enierharesursaŭ. Kali sudnachodstva ŭ pralivie budzie parušana, heta moža pryvieści da rostu cen na enierhanośbity, a taksama paŭpłyvać na hłabalnuju charčovuju biaśpieku i košty praduktaŭ.
«Nielha dapuścić taho, kab Iran trymaŭ suśvietnuju ekanomiku ŭ zakładnikach, pavodziačy siabie jak dziaržava-izhoj», — padkreśliła Łana Nusejbe.
Nusejbe adznačyła, što Jeŭrapiejski sajuz z pačatku kryzisu akazvaje značnuju padtrymku krainam rehijona. Pavodle jaje słoŭ, pamiž Jeŭropaj i AAE isnujuć ciesnyja ekanamičnyja i palityčnyja suviazi: hadavy abjom handlu składaje kala 65 miljardaŭ jeŭra, a ŭ Emiratach žyvie i pracuje bolš za paŭmiljona hramadzian jeŭrapiejskich krain.
Ministarka taksama padkreśliła, što AAE imknucca padtrymlivać stabilnaść na enierhietyčnych rynkach i zastavacca nadziejnym pastaŭščykom enierharesursaŭ. Adnačasova kraina starajecca abaraniać svaju terytoryju i nasielnictva, nie dapuskajučy pierarastańnia kanfliktu ŭ šyrokamaštabnuju rehijanalnuju vajnu.
Łana Nusejbe adznačyła, što za apošnija tydni Emiraty pieražyli ciažki pieryjad praz rakietnyja i dronavyja ataki z boku Irana, ale ciapier žyćcio ŭ krainie pastupova viartajecca da narmalnaha rytmu.
Akramia taho, urad AAE praciahvaje rabić staŭku na dyviersifikacyju ekanomiki — raźvićcio finansaŭ, łahistyki, vysokich technałohij i štučnaha intelektu — kab umacavać ustojlivaść krainy pierad hieapalityčnymi kryzisami.
Tramp: Ja da ich źviartajusia nie tamu, što jany nam patrebnyja, a chaču pahladzieć na reakcyju
ZŠA dazvalajuć vieźci naftu Iranu dla taho, kab jon dazvalaŭ rabić heta inšym
«Uzrovień entuzijazmu dla mianie maje značeńnie». Tramp zhadaŭ pra krainy, jakija nie chočuć dapamahać jamu ŭ Armuzskim pralivie
U Jeŭrasajuzie razhladajuć mahčymaść źmieny mandata svajoj vajskova-marskoj misii na Blizkim Uschodzie
Vialikabrytanija i Hiermanija admovilisia adpraŭlać karabli ŭ Armuzski praliŭ
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary