Дзяржаўная міністарка ААЭ: Іран не павінен трымаць сусветную эканоміку ў закладніках
Дзяржаўная міністарка Аб’яднаных Арабскіх Эміратаў Лана Нусэйбэ заклікала міжнародную супольнасць прымусіць Іран спыніць блакаванне Армузскага праліва. У інтэрв’ю Euronews яна таксама высока ацаніла падтрымку, якую аказвае рэгіёну Еўрасаюз.
Паводле слоў эмірацкай чыноўніцы, гэты вузкі марскі шлях паміж Іранам і Аманам мае ключавое значэнне для сусветнай эканомікі, бо праз яго праходзіць каля 20% сусветных паставак энергарэсурсаў. Калі суднаходства ў праліве будзе парушана, гэта можа прывесці да росту цэн на энерганосьбіты, а таксама паўплываць на глабальную харчовую бяспеку і кошты прадуктаў.
«Нельга дапусціць таго, каб Іран трымаў сусветную эканоміку ў закладніках, паводзячы сябе як дзяржава-ізгой», — падкрэсліла Лана Нусэйбэ.
Нусэйбэ адзначыла, што Еўрапейскі саюз з пачатку крызісу аказвае значную падтрымку краінам рэгіёна. Паводле яе слоў, паміж Еўропай і ААЭ існуюць цесныя эканамічныя і палітычныя сувязі: гадавы аб’ём гандлю складае каля 65 мільярдаў еўра, а ў Эміратах жыве і працуе больш за паўмільёна грамадзян еўрапейскіх краін.
Міністарка таксама падкрэсліла, што ААЭ імкнуцца падтрымліваць стабільнасць на энергетычных рынках і заставацца надзейным пастаўшчыком энергарэсурсаў. Адначасова краіна стараецца абараняць сваю тэрыторыю і насельніцтва, не дапускаючы перарастання канфлікту ў шырокамаштабную рэгіянальную вайну.
Лана Нусэйбэ адзначыла, што за апошнія тыдні Эміраты перажылі цяжкі перыяд праз ракетныя і дронавыя атакі з боку Ірана, але цяпер жыццё ў краіне паступова вяртаецца да нармальнага рытму.
Акрамя таго, урад ААЭ працягвае рабіць стаўку на дыверсіфікацыю эканомікі — развіццё фінансаў, лагістыкі, высокіх тэхналогій і штучнага інтэлекту — каб умацаваць устойлівасць краіны перад геапалітычнымі крызісамі.
Трамп: Я да іх звяртаюся не таму, што яны нам патрэбныя, а хачу паглядзець на рэакцыю
ЗША дазваляюць везці нафту Ірану для таго, каб ён дазваляў рабіць гэта іншым
«Узровень энтузіязму для мяне мае значэнне». Трамп згадаў пра краіны, якія не хочуць дапамагаць яму ў Армузскім праліве
У Еўрасаюзе разглядаюць магчымасць змены мандата сваёй вайскова-марской місіі на Блізкім Усходзе
Вялікабрытанія і Германія адмовіліся адпраўляць караблі ў Армузскі праліў
Пра што маўчыць Аляксей Францкевіч, якому Польшча закрыла ўезд на 10 гадоў67
Каментары