«A ja vam pakažu, adkul na «Oskar» rychtavaŭsia napad». Biełarusy žartujuć z vusoŭ Dy Kaprya
Papularny amierykanski akcior Leanarda Dy Kaprya źmianiŭ imidž, adhadavaŭšy vusy. Novy vobraz halivudskaj zorki, u jakim jon źjaviŭsia na cyrymonii ŭručeńnia «Oskara», nie zastaŭsia ŭ sacsietkach biez uvahi.
Chvalu žartaŭ siarod biełarusaŭ zapuściŭ servis pa prodažy avijabiletaŭ Aviasales, apublikavaŭšy fota akciora ŭ sacsietcy Threads z podpisam:
«Dobraja sproba stać papularnym u biełaruskaj častcy Tredsa, Lea, dobraja sproba…»
Kamientatary adrazu padchapili žart.
«Heta tamu, što ŭ im pračynajucca biełaruskija karani», — adznačyŭ adzin z čytačoŭ.
Dla tych, chto nie adrazu zrazumieŭ sutnaść žartu, inšyja karystalniki patłumačyli łakanična:
«Vusy, jak u baćki».
Niekatoryja internet-umielcy vyrašyli davieści vobraz da ideału: z dapamohaj fotašopa Dy Kaprya źmianili pryčosku na začasanuju załysinu.
«Ja prosta čuju hety chrypłavaty, znajomy da bolu hołas», — pišuć u kamientarach.
Karystalniki navat pačali prypisvać akcioru cytaty, stylizavanyja pad manieru vykazvańniaŭ Alaksandra Łukašenki:
«Ja płavaŭ na Citaniku», «A ja vam pakažu, adkul na «Oskar» rychtavaŭsia napad».
Niekatoryja prosta raźmiaścili miemy:
Inšyja pajšli jašče dalej i zrabili Dy Kaprya «vialikim kambinataram» Astapam Benderam.
Uvahu na vusy akciora źviarnuła i «Lidskaje piva». Zavod apublikavaŭ miem z podpisam:
«Kali zamiest «bakał» skazaŭ «kielich» i ciapier adčuvaješ siabie minimum Radziviłam».
Dy Kaprya, darečy, nie adziny halivudski akcior, chto źmianiŭ vobraz. Cimaci Šałamie (viadomy pa «Dziunie») i Džejkab Ełordzi (syhraŭ hałoŭnuju rolu ŭ «Hrazavym pieravale») taksama ciapier z vusami.
A Piedra Paskal naadvarot pahaliŭsia (niekatoryja žartujuć, što heta jaho vusy pierakačavali da Dy Kaprya).
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary