U Minsku za niemałyja hrošy zdajecca kvatera z absalutna dabitym sanvuzłom
Zdajecca dvuchpakajovaja kvatera ŭ Minsku. U sanvuźle — poŭnaje razbureńnie, pryčym i ŭ pramym, i ŭ pieranosnym sensach. Hrošaj ułaśnik patrabuje niamała, a ŭ dadatak vystaŭlaje jašče i surjoznyja abmiežavańni, piša Blizko.by.
Kvatera znachodzicca ŭ Vajskovym haradku (Vialiki Les) na vulicy Sadovaj, dom 1.
Heta panelnaja 5‑paviarchoŭka typavoha prajekta dla vajskovych haradkoŭ była pabudavana ŭ 1977 hodzie jak žyły dom kvaterna-ekspłuatacyjnaj častki Čyrvanaściažnaj Biełaruskaj vajskovaj akruhi.
Dvuchpakajovaja kvatera biez ukazanaj ahulnaj płoščy znachodzicca na 5‑m paviersie. Tekstavaje apisańnie kvatery vielmi skupoje: «Stan druhasny. Chaładzilnik, hazavaja plita, posud/stałovyja prybory».
Na ščaście, jość fatahrafii. I voś jany kažuć vielmi šmat.
Pierš za ŭsio kidajecca ŭ vočy sanvuzieł. Kaliści jon byŭ raździelnym, ale ŭłaśniki zrabili jaho sumieščanym. Ab byłoj pieraharodcy pamiž imi kaža tolki pavisły ŭ pavietry ručnikasušylnik.
Dźviery ŭ sanvuzieł adsutničajuć całkam, i adkryty prajom raźmieščany prosta nasuprać uvachodnych dźviarej, adkryvajučy hościu, jaki pryjšoŭ, nietryvijalnyja karciny pobytu žycharoŭ.
Plitka na ścienach taksama adsutničaje, zatoje prysutničajuć staraja mačałka, vantuz, dva taziki i vientylacyjnaje akienca na kuchniu.
Adzin z pakojaŭ absalutna pusty (kali nie ličyć pary kardonnych skrynak), u druhim jość kanapa i tumbačka.
U kamientarach pryvodzicca razmova z ułaśnikam kvatery: «Ułaśnik skazaŭ, što ź dziećmi možna, ale z žyviołami niepažadana».
Na kuchni nie ŭsio ŭ paradku ź plitoj i sa ścianoj kala vychadu na bałkon. Ułaśnik kvatery zdaje jaje za 350 dalaraŭ u miesiac, što vyhladaje troški zavyšanym koštam na kvateru ŭ takim stanie i ŭ takim rajonie horada daloka za MKADam.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski13
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary