Да канца гэтага дзесяцігоддзя РФ можа прадстаўляць сабой «сапраўдную небяспеку» для Еўрасаюза, таму ў Еўропе і ва Украіне неабходна нарасціць абаронную прамысловасць цягам пяці гадоў, заявіла прэм’ер-міністр Даніі Метэ Фрэдэрыксен.
У аўторак, 8 ліпеня, яна выступіла ў Еўрапарламенце з нагоды пачатку шасцімесячнага старшынства Даніі ў Радзе ЕС, піша Deutsche Welle.
Фрэдэрыксен выказала шкадаванне з нагоды таго, што ЕС за апошнія 30 гадоў скарачаў абаронныя выдаткі. Паводле слоў палітыка, гэта было «вялізнай памылкай». У ЕС баяцца, што Уладзімір Пуцін неўзабаве можа паспрабаваць «праверыць» дзеянне Артыкула 5 Паўночнаатлантычнай дамовы — аб тым, што напад на аднаго чальца НАТА будзе лічыцца нападам на ўсіх чальцоў альянсу.
«Умацаванне абароннай прамысловасці Еўропы — гэта абсалютны прыярытэт, і мы павінны быць здольныя абараніць сябе не пазней за 2030 год, — падкрэсліла Метэ Фрэдэрыксен у сваёй прамове.
— Ніколі зноў Еўропа не павінна аказацца ў становішчы, калі мы не можам абараніць сябе».
«Гатоўнасць-2030» — план пераўзбраення Еўропы
У «Белай кнізе» па аператыўнай гатоўнасці еўрапейскай абароны на перыяд да 2030 года адзначаецца, што РФ у бліжэйшай будучыні застанецца «фундаментальнай пагрозай» для бяспекі Еўропы. Ва ўмовах пагрозы расійскай агрэсіі Еўракамісія падрыхтавала новы план бяспекі пад назвай «Гатоўнасць-2030». Ён прадугледжвае, што дзяржавы Еўрасаюза цягам наступных пяці гадоў выдаткуюць на абарону 1,25 трыльёна даляраў.
Прыярытэты ў выдатках уключаюць закупку сістэм ППА і СПА, артылерыі, боепрыпасаў, дронаў, абсталявання для кібер– і радыёэлектроннай вайны. Акрамя таго, план прадугледжвае развіццё абароннай прамысловасці Украіны.
На сённяшні дзень краіна вырабляе ўзбраенні хутчэй і танней, чым гэта робяць у ЕС, акрамя таго, у Кіеве абяцаюць павялічыць вытворчыя магутнасці на 40 працэнтаў пры ўмове еўрапейскіх інвестыцый.
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары
"Прыярытэты ў выдатках уключаюць закупку"
Абарона суверэннасці - гэта мець уласныя заводы зброі нягледзячы на кошты. А не закупка на базары.
"На сённяшні дзень краіна вырабляе ўзбраенні хутчэй і танней, чым гэта робяць у ЕС"
Ага, а за 2024 год украінскі ВПК выканаў уласную ўнутраную замову на 55%. Пры гэтым, што былі грошы. Калі яны сабе на справу выжывання не могуць зброі выпусціць, то што там хоча Еўропа купляць ва Ўкраіны?
Карацей, лухта поўная, ніякіх рэалістычных планаў