Кампанія Meta прэзентавала разумныя акуляры за 799 даляраў
Кампанія Meta, якая валодае такімі сэрвісамі як Facebook. Instagram, Threads, WhatsApp, прэзентавала разумныя акуляры Ray-Ban Display, продажы якіх стартуюць 30 верасня. У аксэсуар убудавалі штучны інтэлект.
У акулярах ёсць камера на 12 Мп, мікрафон, дынамікі і акумулятар. А ў правай лінзе — дысплей з 600×600 пікселяў. Пры гэтым разумныя акуляры важаць усяго 69 грамаў.
Кампанія-распрацоўшчык пазіцыянуе акуляры як паўнавартасную ШІ-прылада з галасавым кіраваннем. Усе запыты апрацоўвае уласны асістэнт. Але для гэтага акуляры трэба падключыць да смартфона, а каб выкарыстоўваць іх у цішыні — надзець спецыяльны бранзалет.
Акрамя таго, Ray-Ban Display аснашчаныя спецыяльнымі датчыкамі і вельмі дакладна счытваюць жэсты, якімі карыстальнік можа маштабаваць карту, адпраўляць паведамлення і нават гартаць рылсы ў сацсетках.
У кампаніі анансуюць, што на адным зарадзе акуляры пратрымаюцца да шасці гадзін, а разам з чахлом акумулятара — суткі. Бранзалет працуе без падзарадкі 18 гадзін.
Каштуюць такія акуляры $799.
Карпарацыя Meta і брэнд Ray-Ban распрацоўваюць таксама новую версію разумных акуляраў, якія змогуць ідэнтыфікаваць твары навакольных у рэальным часе. З абяцаюць прадставіць у наступным годзе.
-
Ён нагадвае марскога ската: амерыканскі стартап стварыў самалёт без звыклых крылаў і ілюмінатараў, які можа стаць новай старонкай у авіяцыі
-
Астэроід, які знішчыў дыназаўраў, мог выклікаць пажары па ўсёй планеце
-
Як спякота падчас цяжарнасці і ў першыя месяцы жыцця можа ўплываць на развіццё мозгу дзіцяці
Цяпер чытаюць
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы18
Каментары