«У нас в Белоруссии один лидер — Батька!». Расійскіх ботаў адправілі ў тыктокі са Статкевічам
Большасць з іх маскіруюцца пад беларусаў, але некаторыя сябе выдаюць.
У платных каментатараў, задача якіх — стварэнне ілюзіі грамадскай думкі ў сеціве, з'явілася новая ўстаноўка адносна Мікалая Статкевіча. Нагадаем, што беларускі палітвязень не згадзіўся на дэпартацыю з Беларусі, высадзіў дзверы аўтобуса і выскачыў у нейтральнай зоне.
Спачатку боты адмаўлялі гэты факт і распаўсюджвалі фэйк, што колішні кандыдат у прэзідэнты знаходзіцца ў Літве. Пасля яны памянялі меседж на «ён нікому са змагароў не трэба». Яшчэ пазней яны акцэнтавалі «псаванне маёмасці». Цяпер прыйшла іншая метадычка.
Платным каментатарам загадана сцвярджаць, што «Статкевіч не лідар», а таксама ўбіваць клін паміж 69‑гадовым палітыкам і Святланай ды Сяргеем Ціханоўскімі.
«У нас адзін лідар, Лукашэнка!», «У нас адзін лідар. І гэта Бацька!», «Наш лідар — Лукашэнка!», «У нас адзін лідар — Лукашэнка!», «У Беларусі адзін лідар, і ён дома», «У нас ёсць Бацька», — пішуць яны.
Пры гэтым боты масава згадваюць Святлану і Сяргея Ціханоўскіх:
«У нас адзін прэзідэнт і лідар. Наш Бацька. Ніхто і няма чаго бударажыць наш народ разам з Ціханоўскімі», «А колькі ў вас лідараў — двое Ціханоўскіх і гэты? Я ведаю аднаго Лукашэнку!»
Яшчэ адзін тэзіс, які прасоўваецца ў каментарах, — што нібыта апазіцыя расколатая і ў ёй няма адзінства:
«Яшчэ адзін лідар. Ціханоўская не зразумее», «А хто тады Света, калі Статкевіч лідар краіны…», «Кожны другі выпушчаны з турмы — лідар… А што скажуць астатнія», «Вызначцеся, хто ваш лідар — Ціханоўская ці Статкевіч», «Дык вы прызнаеце, што Светка і Сярожа не лідары!?», «А Шветка? Яна ўжо не лідар?», «Ці не зашмат «лідараў»?», «І? Хто лідар? Ці не зашмат чалавекаў у лідары сябе хочуць? Можа, пара з нябёсаў на зямлю ўпасці?».
Значная колькасць каментароў паўтарае пасланне: «Чый ён лідар?».
Боты маюць інструкцыі і ўсяляк зневажаць Мікалая Статкевіча, сцвярджаючы, што «месца яму ў Навінках» (Навінкі — гэта псіханеўралагічны дыспансер у прыгарадзе Мінска) і што Статкевіч «пры любой уладзе шукае, да чаго прычапіцца» — хоць ніякай іншай улады, акрамя лукашэнкаўскай, у Беларусі ўжо 31 год няма.
Вось якія абразы пішуць платныя каментатары: «чмо грашовае», «бандыт і здраднік», «агентура Захаду», «урка», «тэрарыст», «лідар катлет».
Хоць большасць ботаў імкнецца маскіравацца пад беларусаў, некаторыя выдаюць сябе, робячы памылкі ў напісанні не толькі назвы краіны, але і прозвішча дыктатара:
«Кто это? Чей это лидер. У нас в Белоруссии один лидер — батька! Александр Григорьевич Лукашенко!»
«Неужели этот Статкевич не понимает, что его использует Запад для разрушения Белоруссии. Наглядный пример Украина»
«Какой он лидер? Лидер у нас онин это лукошенко и других лидеров не надо».
Як расійскіх ботаў адправілі ў тыктокі са Статкевічам. У іх адна мэта: стварыць ілюзію грамадскай думкі пра палітвязня і пасварыць апазіцыю.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку31
Каментары
А не дрэнна яны папрацавалi, дакладна так трэба называць лукашэнку.
або
"Я три дня гналась за вами, чтобы сказать, как вы мне безразличны"