Кітайская авіякампанія China Eastern Airlines пачала прадаваць білеты на свой новы маршрут, які злучае Шанхай і Буэнас-Айрэс. Авіякампанія называе яго «самым працяглым прамым рэйсам у свеце», піша CNN.
Рэйс з міжнароднага аэрапорта Пудун (PVG) у Шанхаі да міжнароднага аэрапорта імя міністра Пістарыні (EZE) у сталіцы Аргенціны зойме каля 25,5 гадзіны, а зваротны — 29 гадзін.
Праўда, абодва маршруты ўключаюць дзвюхгадзінны прыпынак у новазеландскім Оклендзе, падчас якой пасажыры могуць выйсці з борта самалёта для адпачынку. То-бок рэйс хоць і прамы, але ўсё ж не бясспынны.
Раней розныя перавозчыкі спрабавалі прэтэндаваць на званне «самага працяглага» рэйса ў межах сваіх маркетынгавых кампаній, але большасць экспертаў сыходзяцца ў думцы, што тут лідзіруе Singapore Airlines. Бясспынны рэйс авіякампаніі паміж сінгапурскім Чангі і аэрапортам імя Джона Кенэдзі ў Нью-Ёрку пераадольвае адлегласць 15 349 кіламетраў больш чым за 18 гадзін.
Але China Eastern Airlines заявіла, што яе рэйс стане яшчэ і «першым у свеце камерцыйным маршрутам, які злучае гарады-антыподы» — то-бок гарады, размешчаныя на супрацьлеглых канцах Зямлі. Палёты будуць выконваць на шырокафюзеляжным Boeing 777−300ER двойчы на тыдзень, пачынаючы з 4 снежня.
Дарэчы, самы хуткі пералёт з Шанхая ў Буэнас-Айрэс дагэтуль прапаноўвалі Air France і Lufthansa. Ён доўжыцца амаль 31 гадзіну з перасадкай у Парыжы або Амстэрдаме.
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары