Перад смерцю палітык пакутаваў ад моцных боляў, сутаргаў і ванітаў, але медыцынская дапамога яму своечасова аказана не была. Відэазапісы апошніх сутак жыцця Навальнага ў калоніі не захаваліся.
Лабараторыі дзвюх краін незалежна адна ад адной пацвердзілі, што апазіцыйнага палітыка Аляксея Навальнага атруцілі ў турме ў лютым 2024 года. Пра гэта паведаміла яго ўдава Юлія Навальная.
Паводле яе слоў, у лютым 2024 года блізкім Навальнага ўдалося вывезці за мяжу і перадаць адной з заходніх лабараторый яго біялагічныя ўзоры.
«Яшчэ ў лютым 2024 года мы змаглі атрымаць і надзейным спосабам пераправіць за мяжу ўзоры біялагічнага матэрыялу Аляксея. Лабараторыі, прынамсі, дзвюх краін, незалежна адна ад адной, правялі даследаванне гэтых узораў. Лабараторыі дзвюх краін прыйшлі да высновы, што Аляксей быў забіты, а менавіта, атручаны», — сказала яна.
Таксама Юлія Навальная адзначыла, што, згодна са сведчаннямі пяці супрацоўнікаў калоніі, перад смерцю палітык пакутаваў ад моцных боляў, сутаргаў і ванітаў, але медыцынская дапамога яму своечасова аказана не была. Відэазапісы апошніх сутак жыцця Навальнага ў калоніі не захаваліся.
У відэа Навальная таксама кажа, што расследаванне смерці Навальнага тармозіцца з-за меркаванняў палітычнай мэтазгоднасці. Выглядае, яна мае на ўвазе не расійскія, а еўрапейскія ўлады.
«Я заяўляю, што Уладзімір Пуцін вінаваты ў забойстве майго мужа, Аляксея Навальнага.
Я абвінавачваю расійскія спецслужбы ў распрацоўцы забароненай хімічнай і біялагічнай зброі.
Я патрабую ад лабараторый, якія праводзілі даследаванні, апублікаваць вынікі.
Перастаньце заігрываць з Пуціным з нейкіх вышэйшых меркаванняў. Вы не зможаце яго задаволіць. Пакуль вы маўчыце, ён не спыняецца. Магчыма, менавіта зараз нехта яшчэ памірае ад яду, якім ён загадаў атруціць. Не толькі ў Расіі — і па ўсім свеце, мы ўжо бачылі такія прыклады», — гаворыць яна.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2020
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх20
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
отравить так, чтобы успеть выпустить, чтобы он умер уже на свободе. но дозу не рассчитали, недооценив ослабленный организм, и случилось так, как случилось.
потому что слишком многое на это указывает.