Z 12 vieraśnia polski ŭčastak miažy zakryty, u vyniku pieravozčyki starajucca minimizavać niazručnaści dla pasažyraŭ i šukajuć novyja napramki. Pra dva novyja rejsy ŭ Varšavu raskazali Office Life pradstaŭniki servisu «Atłas Bas».
Tak, u raskładzie źjavilisia dva novyja pramyja rejsy ź Minska i Hrodna ŭ Varšavu, jakija iduć praz Łatviju. Praŭda, šlach u hetym vypadku budzie niablizki. Pavodle raskładu, pajezdka ź Minska ŭ Varšavu zojmie minimum 11 hadzin.
Aŭtobus vyjazdžaje ź Minska ŭ 15:20. U zvarotnym napramku vyjezd z Varšavy ŭ 22:10.
Bilet kaštuje daražej, čym na zvykłyja rejsy, što iduć praz Brest, — ad 350 rubloŭ. Na bližejšyja rejsy miescaŭ užo niama.
Akramia taho, z 22 vieraśnia startuje pramy rejs Hrodna — Biełastok — Varšava taksama praz Łatviju. Vyjezd z Hrodna — u 00:20. U zvarotny šlach aŭtobus adpraŭlajecca ŭ 8:00. Bilet kaštuje 380 rubloŭ.
U kampanii dadali, što, mahčyma, kolkaść pramych rejsaŭ u Polšču praz Łatviju pavialičycca.
Pry hetym nahadali, što pry pajezdcy praz hetuju krainu pasažyram nieabchodna vykonvać šerah umovaŭ. Nie paźniej čym za 48 hadzin da pajezdki zamiežnik abaviazany zapoŭnić ankietu na sajcie eta.gov.lv i dačakacca elektronnaha lista z paćviardžeńniem abo admovaj va ŭjeździe.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?17
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary