Na składzie Wildberries pad Minskam źbirajucca šmathadzinnyja čerhi
Klijenty Wildberries u Biełarusi pačali skardzicca na zatrymki ŭ dastaŭcy zakazaŭ: niekatoryja čakajuć da 2 tydniaŭ. Pradaŭcy ŭ tyktoku nazvali mahčymuju pryčynu — vializnyja čerhi na składzie pad Minskam, u Ščomyślicy, piša Telegraf.news.
Niekalki pradaŭcoŭ adznačyli, što im davodzicca stajać hadzinami, kab razhruzić tavar, jaki paśla razvoziać na punkty vydačy pa ŭsioj krainie.
Adzin pradaviec raskazaŭ, što razhruzki 8 nievialikich skryniaŭ jamu daviałosia čakać bolš za hadzinu, bo pracavała tolki adna rampa.
Inšy pakazaŭ čarhu hruzavikoŭ, jakija stajać pa 6—8 hadzin.
Navat ranišni pryjezd u 5:30 nie dapamoh paźbiehnuć čakańnia — čerhi nie źnikajuć navat nočču. Pavodle słoŭ pradaŭcoŭ, takaja situacyja trymajecca ŭžo kala dvuch tydniaŭ.
Kamientatary źviazvajuć prablemu ź vialikaj kolkaściu zakazaŭ, vyklikanaj akcyjami i źnižkami Wildberries. Niekatoryja klijenty taksama skardziacca na zatrymki dastaŭki.
Pradstaŭniki pradaŭcoŭ kažuć, što dla rostu abjomaŭ prodažaŭ płatformie treba było b naładzić bolš efiektyŭnuju razhruzku i sartavańnie tavaraŭ. Niekatoryja navat nazyvajuć ciapierašni chaos na składzie «repietycyjaj Novaha hoda», dumajučy pra toje, jak skład budzie pracavać padčas zimovych śviataŭ i siezonnych rasprodažaŭ.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?9
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary