Dziaŭčynu, čyj hołas hučyć u aficyjnaj viersii himna Biełarusi, asudzili za ŭdzieł u pratestach
Maryna Rapaviec vykładaje ŭ vakalnaj škole, kiraŭnicu jakoj niadaŭna taksama sudzili.
Marynie Rapaviec 42 hady. Rodam jana z Babrujska. U 2007‑m skončyła adździaleńnia charavoha dyryžyravańnia Biełaruskaj dziaržaŭnaj akademii muzyki. Zastałasia žyć u Minsku.
Bolš za 15 hadoŭ Maryna zajmajecca piedahahičnaj dziejnaściu. Jana vykładała ŭ dziciačaj vakalnaj studyi pry BDU i dziciačych muzyčnych škołach Minska. Taksama kiruje ansamblem «Pretty bend» i vykładaje ŭ muzyčnaj škole Vieraniki Janoŭskaj, jakoj taksama niadaŭna prysudzili chatniuju chimiju.
Hołas Maryny Rapaviec hučyć u aficyjnym zapisu himna Biełarusi. Jaho zapisvali ŭ pačatku 2000‑ch siłami arkiestra Uzbrojenych siłaŭ i akademičnaha chora Biełaruskaha radyjo i telebačańnia. Salistka hetaha chora Volha Ruzina ŭzhadvała, što ŭ chory chapała moładzi — kiraŭnik Viktar Roŭda ŭklučaŭ u skład maładych i talenavitych studentaŭ.
Marynu Rapaviec zatrymali ŭ červieni 2025 hoda i, pa źviestkach partała Dissidentby, pasadzili na sutki. Paśla — pieraviali ŭ SIZA-1 u Kaladzičach.
Žančynu niadaŭna asudzili za ŭdzieł u pratestach (č. 1 art. 342 KK) i dali chatniuju chimiju, jaje imia źjaviłasia ŭ «śpisie ekstremistaŭ», jaki viadzie MUS.
«Naša Niva» — bastyjon biełaruščyny
PADTRYMAĆPamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary
"I ŭsio ž taki śvietłyja dni nastanuć. Bo niama ŭ śviecie ciemry, jakaja nie skončyłasia b śviatłom."
Uł. Karatkievič
https://d2accbiqacj5y8.cloudfront.net/375733