Vilnia: Biełaruskija pamiežniki mahli parušyć miažu, zajšoŭšy na terytoryju Litvy
Pamiežniki zastavy imia Jurhisa Kibartasa, što adnosicca da Vilenskaha pamiežnaha atrada, zafiksavali mahčymy fakt parušeńnia dziaržaŭnaj miažy z boku Biełarusi — praniknieńnie na terytoryju Litvy, paviedamlajecca ŭ pres-relizie Słužby achovy dziaržaŭnaj hranicy Litvy, piša LRT.
Uviečary ŭ sieradu supracoŭniki hetaj zastavy nazirali troch biełaruskich pamiežnikaŭ, što išli ŭzdoŭž miažy z boku Biełarusi. Ź litoŭskaha boku heta terytoryja Vilenskaha rajona.
Adznačajecca, što na miascovaści linija miažy abaznačana centralnym palihonamietryčnym słupam, pa abodva baki jakoha ŭstanoŭleny dziaržaŭnyja pahraničnyja znaki. Troški hłybiej ad hetych znakaŭ, na litoŭskaj terytoryi, raźmieščany fizičny barjer — płot z kalučym drotam, pryznačany dla abarony ad niezakonnaj mihracyi.
Pa papiarednich danych, padčas patrulavańnia biełaruskija pamiežniki mahli zajści na terytoryju Litvy pryblizna na 2 mietry i adrazu ž viarnucca nazad u Biełaruś.
U Vilenskim pamiežnym atradzie źbirajucca materyjały, udakładniajucca abstaviny i vyrašajecca pytańnie ab pačatku dasudovaha rasśledavańnia pa fakcie niezakonnaha pierasiačeńnia dziaržaŭnaj miažy.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary