Uitkaf raskazaŭ, jakija čatyry dakumienty abmiarkoŭvali na pieramovach z Ukrainaj
Delehacyi Ukrainy i ZŠA try dni sustrakalisia ŭ Majami, kab abmierkavać mahčymaje zakančeńnie vajny.
U skład ukrainskaj delehacyi ŭvajšli sakratar Rady nacyjanalnaj biaśpieki i abarony Ukrainy Rustem Umieraŭ i načalnik Hienieralnaha štaba Uzbrojenych sił Ukrainy hienierał-lejtenant Andrej Hnataŭ.
Amierykanskuju delehacyju pradstaŭlali śpiecyjalny pasłańnik Trampa Styŭ Uitkaf, Džared Kušnier i supracoŭnik Biełaha doma Džoš Hruenbaŭm. Da dyskusij taksama dałučylisia klučavyja jeŭrapiejskija daradcy pa nacyjanalnaj biaśpiecy.
«Za apošnija try dni ŭ Fłarydzie ŭkrainskaja delehacyja praviała sieryju praduktyŭnych i kanstruktyŭnych sustreč z amierykanskimi i jeŭrapiejskimi partniorami», — paviedamiŭ Uitkaf u X.
Z Uitkafam i Kušnieram u Majami taksama razmaŭlaŭ śpiecyjalny pasłańnik prezidenta Rasii Kirył Dźmitryjeŭ, adnak jaho Uitkaf nie zhadvaje.
ZŠA i Ukraina ŭ hetyja dni abmiarkoŭvali čatyry dakumienty:
płan z 20 punktaŭ, šmatbakovaja struktura harantyj biaśpieki, harantyi biaśpieki ZŠA dla Ukrainy, a taksama płan ekanamičnaha raźvićcia i roskvitu.
«Asablivaja ŭvaha była ŭdzielena abmierkavańniu terminaŭ i paśladoŭnaści nastupnych krokaŭ.
Ukraina zastajecca całkam addanaj dasiahnieńniu spraviadlivaha i tryvałaha miru.
Našym ahulnym pryjarytetam źjaŭlajecca spynieńnie zabojstvaŭ, zabieśpiačeńnie harantavanaj biaśpieki i stvareńnie ŭmoŭ dla adnaŭleńnia Ukrainy, jaje stabilnaści i doŭhaterminovaha roskvitu», — napisaŭ Uitkaf.
Umieraŭ paśla sustrečy apublikavaŭ taki ž samy tekst.
Pucin asabista abraŭ Uitkafa klučavym pieramoŭščykam ad ZŠA
«Zarablajcie, a nie vajujcie». Tramp i Uitkaf vierać, što Pucin moža pajści na mir dziela prybytkaŭ. Abo sami marać ab zysku
Poŭnaja rasšyfroŭka źlitych pieramoŭ śpiecpradstaŭnika prezidenta ZŠA Styva Uitkafa i pradstaŭnikoŭ Pucina Dźmitryjeva i Ušakova
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary