Kreml źbiraŭ daśje na asiarodździe Trampa, vyšukvajučy zručnaha dla siabie pieramoŭščyka ab Ukrainie — vybar spyniŭsia na Styvienu Uitkafu, piša WSJ.
Kreml źbiraŭ daśje na asiarodździe Trampa, vyšukvajučy zručnaha dla siabie pieramoŭščyka, i ŭ vyniku vybar upaŭ na miljardera Styviena Uitkafa, piša The Wall Street Journal. Pavodle źviestak vydańnia, rasijskaja raźviedka vyvučała psichałahičnyja profili amierykanskich čynoŭnikaŭ adrazu paśla pieramohi Trampa na vybarach.
Maskva była kateharyčna suprać hienierała Kita Kiełaha, jakoha Tramp pieršapačatkova pryznačyŭ śpiecpradstaŭnikom va Ukrainie i Rasii. Rasijskaja raźviedka paznačyła jaho jak patencyjna varožuju postać, bo jahonaja dačka kiravała dabračynnaj arhanizacyjaj va Ukrainie.
U vyniku Kreml zrabiŭ staŭku na Uitkafa — čałavieka sa śvietu biznesu, jaki nie zaŭsiody prytrymlivajecca dypłamatyčnych rehłamientaŭ i hatovy da zakrytych sustreč biez kantrolu śpiecsłužbaŭ.
Pucin damohsia sustrečy z Uitkafam tet-a-tet jašče da jaho aficyjnaha dałučeńnia da pieramoŭ ab Ukrainie. Heta adbyłosia 11 lutaha 2025 hoda. Kreml namahaŭ, kab amierykanca nie supravadžali supracoŭniki CRU ci dypłamaty.
Vynikam hetaj razmovy stała vyzvaleńnie amierykanca Marka Fohiela, što stała svojeasablivym «žestam dobraj voli» i sihnałam dla Trampa: Pucin addaje pieravahu mienavita Uitkafu.
Paśla hetaha Tramp dałučyŭ siabra-miljardera da ŭkrainskaha kiejsa, a Kiełah straciŭ centralnuju rolu.
Za apošni hod Uitkaf pryjazdžaŭ da Pucina ŭžo šeść razoŭ. Nivodzin amierykanski čynoŭnik za apošnija 75 hadoŭ nie mieŭ takoha častaha asabistaha dostupu da rasijskaha lidara — padobny ŭzrovień kantaktaŭ byŭ tolki ŭ časy sajuza sa Stalinym.
Charakterna, što za hety čas Uitkaf ni razu nie naviedaŭ Ukrainu.
Na dumku WSJ, heta pośpiech manieŭraŭ Pucina, jaki zdoleŭ adsunuć prafiesijnych dypłamataŭ i zaručycca padtrymkaj amierykanskich miljarderaŭ, što supadaje sa skieptyčnym staŭleńniem samoha Trampa da tradycyjnych instytutaŭ.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec88
Kamientary
Navierno nikohda bolšie.
--vybar spyniŭsia na Styvienu Uitkafu --- ABRAN ža, a nie "vybar" !! - Papraŭcie, bo ŭ biełaruskaj movie NIAMA słova VYBRAŬ!!!