Bieły dom paviedamiŭ pra dasiahnieńni z momantu druhoha ŭstupleńnia Donalda Trampa na pasadu prezidenta ZŠA.

Za 11 miesiacaŭ, pavodle hetych źviestak, jamu ŭdałosia dasiahnuć nastupnaha:
- samaja nizkaja kolkaść zabojstvaŭ za ŭsiu historyju
- najbujniejšaje źnižeńnie padatkaŭ za ŭsiu historyju
- vypravadžeńnie 600 000 nielehalnych mihrantaŭ
- stvareńnie 687 000 novych pracoŭnych miescaŭ u pryvatnym siektary
- bolš za 235 miljardaŭ dalaraŭ u vyhladzie myt.
Dachody ad myt padličanyja za pieryjad z 20 studzienia da 15 śniežnia 2025 hoda. Jany istotna vyšejšyja za papiarednija: u 2024 finansavym hodzie ZŠA atrymali ŭsiaho 77 miljardaŭ dalaraŭ mytnych dachodaŭ. Adnak da metavaha pakazčyka hetyja ličby pakul nie daciahvajuć — u lipieni ministr finansaŭ ZŠA Skot Biesent zajaŭlaŭ, što raźličvaje na 300 miljardaŭ.
Na hetym fonie pakazalna, što zadavolenaść amierykancaŭ ekanamičnaj palitykaj, pavodle paviedamleńnia radyjostancyi NPR, składaje ŭsiaho 36% — heta samy nizki ŭzrovień za apošnija šeść hadoŭ, piša Bild.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ
Kamientary