Biełarusbank abviaściŭ pra zapusk novaj pasłuhi, jakaja dazvolić klijentam abmieńvać valutu ŭ luby čas sutak biez naviedvańnia bankaŭskaha adździaleńnia. Jak paviedamili ŭ banku, biełarusy zmohuć kuplać i pradavać zamiežnuju valutu anłajn pa aktualnych kursach.
Novaja funkcyja źjavicca ŭ sistemie internet-bankinhu i pačnie pracavać z 30 śniežnia. Faktyčna heta budzie anłajn-abmieńnik, dastupny praz mabilnuju prahramu abo internet.
Abmien robicca pamiž virtualnymi biahučymi rachunkami klijenta. Heta značyć, što čałavieku nieabchodna mieć, naprykład, rachunak u biełaruskich rublach i asobny rachunak u zamiežnaj valucie, kab pieravieści hrošy z adnaho na druhi. Adkryć taki virtualny rachunak možna niepasredna ŭ dadatku, biez pachodu ŭ bank. Pry žadańni rachunak možna papoŭnić i praz kasu.
Kali klijentu patrebna najaŭnaja valuta, jaje možna budzie źniać u bankamatach, jakija padtrymlivajuć adpaviednyja apieracyi, abo atrymać u adździaleńni banka.
Abmien budzie dastupny dla asnoŭnych zamiežnych valut: dalaraŭ ZŠA, jeŭra, rasijskich rubloŭ i kitajskich juaniaŭ. Kolkaść apieracyj na sutki nie abmiežavanaja, ale dziejničajuć limity na adnu apieracyju:
- da 1 000 dalaraŭ abo jeŭra;
- da 100 000 rasijskich rubloŭ;
- da 10 000 kitajskich juaniaŭ.
U banku adznačyli, što dla ździajśnieńnia abmienu dastatkova smartfona z dostupam u internet, a ŭsie kursy buduć adlustroŭvacca ŭ adpaviednym raździele servisu.
Darečy, anłajn-abmien valuty ŭžo daŭno prapanujuć i inšyja bujnyja banki Biełarusi. Niekatoryja ź ich taksama dajuć mahčymaść zahadzia zafiksavać vyhadny kurs dla abmienu.
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU6
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary