Biełarusy atrymlivajuć paviedamleńni ab praviercy bankaŭskaj kartki. Jany sapraŭdnyja?
U redakcyju Onliner źviarnulisia čytačy, jakija zasumniavalisia ŭ biaśpiecy apieracyi z bankaŭskaj kartkaj.
Pavodle ich słoŭ, jany atrymali paviedamleńnie sa skrynšotam «pravierki kartki» i nie zmahli zrazumieć, idzie razmova pra aficyjnaje apaviaščeńnie ad Biełarusbanka ci pra mahčymuju sprobu machlarstva.
Voś jak vyhladała paviedamleńnie.
U Biełarusbanku paćvierdzili Onliner, što rassyłka, skrynšot jakoj dasłaŭ čytač, nie maje dačynieńnia da banka. Heta fišynh: złamyśniki vykarystoŭvajuć paznavalnaść brenda, kab uvieści ludziej u zman i atrymać dostup da danych internet-bankinhu.
U banku tłumačać, što ŭ takich listach adrazu jość niekalki prykmiet padrobki. Pa-pieršaje, treba źviartać uvahu na adras adpraŭnika — u hetym vypadku jon nijak nie źviazany ź Biełarusbankam. Pa-druhoje, pry naviadzieńni na vyjavy ci knopki treba pravieryć, ci nie viaduć spasyłki na staronnija resursy, nie źviazanyja z bankam.
U Biełarusbanku adznačajuć, što prymajuć miery, kab minimizavać nastupstvy dziejańniaŭ machlaroŭ. Klijentam rekamiendujuć aznajomicca z praviłami biaśpiečnaj pracy ŭ sistemach dystancyjnaha absłuhoŭvańnia — jany raźmieščany na aficyjnym sajcie banka.
Hałoŭnaje praviła, padkreślivajuć u banku, — nie pierachodzić pa padazronych spasyłkach. U internet-bankinh treba ŭvajści tolki z hałoŭnaj staronki aficyjnaha sajta belarusbank.by.
Kali ž ulikovyja danyja ŭsio ž byli skampramietavanyja, u banku rajać dziejničać adrazu: zabłakavać dostup da internet-bankinhu (naprykład, try razy ŭvioŭšy niapravilny parol abo patelefanavaŭšy ŭ kantakt-centr pa numary 147), a taksama zabłakavać bankaŭskuju kartku — praz kruhłasutačnuju słužbu pracesinhavaha centra ci źviarnuŭšysia ŭ adździaleńnie banka.
Asobna ŭ Biełarusbanku padkreślili: bank nie rassyłaje takija listy pa elektronnaj pošcie. Aficyjnaje ŭzajemadziejańnie z klijentami adbyvajecca tolki praz mabilny i veb-dadatak banka.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym13
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary