Беларусбанк абвясціў пра запуск новай паслугі, якая дазволіць кліентам абменьваць валюту ў любы час сутак без наведвання банкаўскага аддзялення. Як паведамілі ў банку, беларусы змогуць купляць і прадаваць замежную валюту анлайн па актуальных курсах.
Новая функцыя з’явіцца ў сістэме інтэрнэт-банкінгу і пачне працаваць з 30 снежня. Фактычна гэта будзе анлайн-абменнік, даступны праз мабільную праграму або інтэрнэт.
Абмен робіцца паміж віртуальнымі бягучымі рахункамі кліента. Гэта значыць, што чалавеку неабходна мець, напрыклад, рахунак у беларускіх рублях і асобны рахунак у замежнай валюце, каб перавесці грошы з аднаго на другі. Адкрыць такі віртуальны рахунак можна непасрэдна ў дадатку, без паходу ў банк. Пры жаданні рахунак можна папоўніць і праз касу.
Калі кліенту патрэбна наяўная валюта, яе можна будзе зняць у банкаматах, якія падтрымліваюць адпаведныя аперацыі, або атрымаць у аддзяленні банка.
Абмен будзе даступны для асноўных замежных валют: даляраў ЗША, еўра, расійскіх рублёў і кітайскіх юаняў. Колькасць аперацый на суткі не абмежаваная, але дзейнічаюць ліміты на адну аперацыю:
- да 1 000 даляраў або еўра;
- да 100 000 расійскіх рублёў;
- да 10 000 кітайскіх юаняў.
У банку адзначылі, што для здзяйснення абмену дастаткова смартфона з доступам у інтэрнэт, а ўсе курсы будуць адлюстроўвацца ў адпаведным раздзеле сэрвісу.
Дарэчы, анлайн-абмен валюты ўжо даўно прапануюць і іншыя буйныя банкі Беларусі. Некаторыя з іх таксама даюць магчымасць загадзя зафіксаваць выгадны курс для абмену.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС23
Каментары