U Maskvie padarvany aŭtamabil. Papiarednie, u im byŭ hienierał-lejtenant Sarvaraŭ
Vybuch adbyŭsia kala 7‑j hadziny ranicy ŭ dvary žyłoha doma na vulicy Jasienievaj na poŭdni Maskvy. Paciarpieły špitalizavany ŭ ciažkim stanie.
U Maskvie ŭčynieny zamach na vysokapastaŭlenaha rasijskaha vajskoŭca — 56‑hadovaha hienierał-lejtenanta Fanila Sarvarava, paviedamlajuć rasijskija telehram-kanały. Aŭtamabil načalnika Upraŭleńnia apieratyŭnaj padrychtoŭki Uzbrojenych sił RF byŭ padarvany na Jasienievaj vulicy.
Vybuch adbyŭsia a 7‑j hadzinie ranicy ŭ dvary žyłoha doma. Hienierał-lejtenant Fanil Sarvaraŭ sieŭ u svoj aŭtamabil Kia Sorento i pačaŭ ruch. Pavodle papiarednich źviestak śledstva, samarobnaja vybuchovaja pryłada była zakładzienaja pad dnom mašyny niepasredna pad siadzieńniem kiroŭcy i spracavała praź niekalki siekund paśla pačatku ruchu.
Hienierała daviałosia debłakavać z paškodžanaha sałona siłami ratavalnikaŭ.
Sarvaraŭ špitalizavany ŭ ciažkim stanie, u jaho dyjahnastavany šmatlikija askiepkavyja rany i pierałomy.
Na miescy zdareńnia pracujuć apieratyŭnyja słužby, jakija vyśviatlajuć typ i mahutnaść vykarystanaj vybuchoŭki.
Chto taki Fanil Sarvaraŭ?
Hienierał Sarvaraŭ zajmaje klučavuju pasadu ŭ struktury Hienštaba Minabarony Rasii. Jaho ŭpraŭleńnie adkazvaje za arhanizacyju bujnamaštabnych vučeńniaŭ i bajavuju padrychtoŭku złučeńniaŭ.
Udzielnik asiecina-inhušskaha kanfliktu, abiedźviuch čačenskich vojnaŭ i apieracyi ŭ Siryi.
Jak kiraŭnik apieratyŭnaj padrychtoŭki, jon niepasredna adkazny za bojehatoŭnaść vojskaŭ, što ŭdzielničajuć u poŭnamaštabnym uvarvańni va Ukrainie. Uniesieny ŭ bazu «Miratvorac».
Tankavy aficer, vypusknik Akademii Hienštaba.
Ranh hienierał-lejtenanta atrymaŭ u 2024 hodzie pa ŭkazie Uładzimira Pucina.
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary
hoooooojdaaaaaa!!!!!