Nacbank vyznačyŭ ahulnyja pryncypy, pavodle jakich banki buduć vyznačać sumy kamisij za svaje pasłuhi.
Banki abaviazanyja zahadzia infarmiravać klijentaŭ pra źmianieńnie płaty za pasłuhi, a sami kamisii, jak praviła, farmavać z ulikam ekanamičnaj abhruntavanaści — zychodziačy z vydatkaŭ i razumnaha ŭzroŭniu dachodnaści, piša Onliner.by.
Dla fizičnych asob, akramia indyvidualnych pradprymalnikaŭ, pašyryli pieralik biaspłatnych pasłuh: pieravody na rachunki, adkrytyja ŭ adnym banku; vydača hatoŭki ŭ kasie i praz bankamat svajho banka; vydača daviedak pra kredyty i bankaŭskija rachunki; zamiena skampramietavanych apłatnych kartak i inšyja.
Akramia taho, ŭviali abmiežavańni na pamier kamisij. Naprykład, za zaličeńnie hrošaj u biełaruskich rublach kamisija nie budzie pieravyšać 1,5 % ad sumy, ale nie bolš za 5 bazavych adzinak, a za abmien paškodžanaj valuty i pryjom jaje na inkasa — nie bolš za 5 % ad sumy.
Daviedki ab bankaŭskich rachunkach abo zakrytych rachunkach buduć kaštavać nie bolš za 0,5 bazavaj adzinki, kali zakanadaŭstva nie praduhledžvaje biaspłatnuju vydaču.
Pastanova ŭvachodzić u dziejańnie z 15 studzienia 2026 hoda. Jak patłumačyli ŭ Nacbanku, jana pavinna źnizić finansavuju nahruzku na klijentaŭ i zrabić praviły absłuhoŭvańnia ŭ bankach bolš prazrystymi.
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary